Այցելուները և զբոսաշրջիկները 5 դոլար կվճարեն շվեյցարական Բերգյուն գյուղում, եթե այնտեղ լուսանկար անեն:
Այդ վայրի բնակիչները և ղեկավարները որոշեցին արգելել լուսանկարել՝ դրա համար բավական յուրահատուկ պատճառ բերելով:
Բերգյունի բնակիչները կարծում են, որ ովքեր տեսնեն իրենց գյուղի լուսանկարները, բայց չկարողանան գնալ այնտեղ, ընկճախտի մեջ կընկնեն:
Զբոսաշրջության տեղի բյուրոյի կայքում ասվում է, որ տեղի բնակիչները մտահոգվում են նրանց հոգևոր հավասարակշռության համար, ովքեր կտեսնեն լուսանկարները:
«Գիտականորեն ապացուցված է, որ հանգստի գեղեցիկ, բայց անհասանելի վայրերի լուսանկարները դիտողների մեջ թախիծ և հուսահատություն են առաջացնում»,- ասվում է տեքստում:
Զբոսաշրջիկներն այս հարցում երկու ճամբարի բաժանվեցին:
Ոմանք ենթարկվում են արգելքին, ուրիշները չեն ուզում տուն վերադառնալ առանց հուշ-լուսանկարի:
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին
