zNews-ը ներկայացնում է պատմություն, որը ռուսական Յարոսլավլի բնակիչները երկար կհիշեն:

Մի օր նրանք լքված տնից երեխայի լացի ձայն լսեցին:

Հաջորդ օրը նույն ձայնը լսվում էր, քաղաքացիները որոշեցին ոստիկանություն դիմել:

Այդ մռայլ տունը մտնելով՝ ոստիկանները ցնցվեցին:

Մութ սենյակի կեղտոտ հատակին կեղտոտ, վաղուց չլողացած 1 տարեկան երեխա էր:

Ոչ մի մեծահասակ նրա կողքին չկար:

Տերերը հեռացել էին՝ իրենց հետ տանելով բոլոր իրերը, երեխային թողնելով ճակատագրի քմահաճույքին:

Պետք եղավ երեխային անհապաղ հոսպիտալացնել: Բժիշկներն աղջկան ազդրի կոտրվածք և ուժեղ հյուծում ախտորոշեցին:

Բժիշկների խոսքով՝ երեխան տանը լքված մնացել էր մոտ մեկ շաբաթ:

Ոստիկանությունը պարզեց, որ աղջկա անունը Լիզա Վերբիցկայա է:

Նրա ծնողներին գտնելու շատ փորձեր ձեռնարկվեցին, բայց անարդյունք:

Լիզան պետք է մանկատուն գնար, եթե նրան որևէ մեկը չորդեգրեր:

Երբ Լիզա Վերբիցկայան հիվանդանոց հասցվեց, Ինա անունով մի կին իր որդուն էր այցելում:

Կինն իմացավ երեխայի պատմությունը, սկսեց նրան այցելել՝ տակդիրներ և խաղալիքներ տանելով:

Ինան երկու երեխա ուներ, նա չէր մտածում երեխա որդեգրելու մասին:

Բայց այնքան կապվեց Լիզայի հետ, որ չէր կարող առանց նրա ապրել:

Մի քանի ամիս անց փաստաթղթերի հետ կապված հարցերը լուծելուց հետո Ինան կարողացավ երեխային տուն տանել:

Նա 2 տարեկանում դեռ վախենում էր բարձր ձայներից և չէր կարողանում նորմալ քայլել:

Մեկ տարի անց Ինան Լիզային պարի ուղարկեց, որ նա ֆիզիկապես ամրանար:

Դա արդյունք տվեց, արդեն մի քանի տարի անց Լիզան կենսուրախ աղջիկ դարձավ:

Դպրոց գնալու տարիքում ոչ ոք չէր կարող մտածել, որ այդ երեխան ֆիզիկական և հոգաբանական խնդիրներ էր ունեցել:

Աղջիկն արտաքնապես տարբերվում էր մյուս երեխաներից, համադասարանցիները նրան սկզբում ծաղրում էին՝ կոչելով «գնչուհի» և «շոկոլադ», բայց Լիզան արևոտ երեխա էր, ուստի նրան բոլորը սիրեցին:

Շուտով աղջիկը հաղթեց մանկական գեղեցկության մրցույթում:

Այդ ժամանակ հանկարծ հայտնվեց Լիզայի կենսաբանական մայրը, ով մի ժամանակ նրան թողել էր, որ սովից մահանար:

Նա հայտարարեց, որ ուզում է դստերը տեսնել, դրա լիարժեք իրավունքն ունի:

Բնականաբար, կնոջը մերժեցին, քանի որ նա նույնիսկ չկարողացավ բացատրել՝ ինչու էր լքել անօգնական երեխային:

Հիմա միայն Լիզան կարող է որոշել՝ հանդիպի իր կենսաբանական մոր հետ, թե ոչ:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին