1983 թ. ամռանը լիտվացի երկվորյակ քույրեր Ռասա և Աուշրա Պրասցևիչուտեները զբոսնում էին դաշտում:

Նրանց մասին պատմում է zNews-ը:

Նրանց հայրը կոլխոզում էր աշխատում և սիրում էր մոր հետ խմել:

Այդ օրը դեռ լիովին չսթափված, նա հնձող մեքենա գործարկեց: Շուտով լսվեց փոքրիկ Ռասայի բղավոցը:

Մեքենան կտրել էր աղջկա երկու ոտքերը:

Հայրն անմիջապես օգնության դիմեց:

Ավելի ուշ նա պնդում էր, որ լիովին սթափ էր, տեղի ունեցածը դժբախտ պատահար էր:

Տեղացի բուժակի արագ արձագանքի և պրոֆեսիոնալիզմի շնորհիվ՝ երեխայի արնահոսությունը դադարեցրին, կտրված ոտքերը սառնարան դրեցին:

Մոտակա քաղաքային հիվանդանոցում սարքավորում և մասնագեներ չկային, ովքեր կկարողանային օգնել աղջկան, ուստի նրան շտապ Մոսկվա ուղարկեցին:

Ռասային տեղափոխելու համար տագնապով մաքրեցին օդային միջանցքը և օդ բարձրացրին Տու-134 ինքնաթիռ:

Ամբողջ թռիչքի ընթացքում աղջիկն անգիտակից էր:

Հարևան նստատեղին աղջկա կտրված ոտքերն էին, որոնց վրա սառեցված ձուկ էին դրել, քանի որ ամբողջ կոլխոզում անհրաժեշտ քանակի սառույց չկար:

Այդ բարդագույն վիրահատությունը վստահեին 30-ամյա վիրաբույժ Ռամազի Դատիաշվիլիին: Նրան հիվանդանոց կանչեցին տնից 12-ժամանոց հերթապահությունից հետո: Նա գիշերը դժվարությամբ իր համար ասիստենտներ գտավ:

Վիրահատության սկզբից 4 ժամ անց ասիստենտները բառացիորեն ընկնում էին ոտքի վրա, Դատիաշվիլին ստիպված եղավ նրանց ուղարկել հանգստանալու:

Իսկ բժիշկը չշեղվելով շարունակում էր վիրահատությունը և 9 ժամ անց, երբ վերջին կարերը դրվեցին, փոքր ոտքերը բժշկի ձեռքերի մեջ վերջապես տաքացան:

Հիմա վրացի բժիշկն ԱՄՆ-ում է աշխատում և այդ դեպքը մեծ հպարտությամբ է հիշում:

Հաջորդ 8 տարիներին Ռասային վերականգնում էր սպասվում մեծաթիվ հիվանդանոցներում, փոխարենը՝ հիմա նա կարող է լիարժեք կյանքով ապրել:

Նրա ծնողները վերադարձան իրենց ալկոհոլային սովորություններին, ուստի երեխայի համար նոր ընտանիք գտան: Ուսուցիչ Ադոմայտիսների ամուսնական զույգը դարձավ նրա նոր ընտանիքը:

Ռասան հիշում է իր հետ տեղի ունեցածը և կարծում է, իր իր բախտը շատ է բերել: Հիմա նա ամուսնու հետ ապրում է Գերմանիայում, 3 երեխա ունի՝ ամուսնու երկու երեխաները առաջին ամուսնությունից և իրենց համատեղ երեխան:

Նա նշեց, որ լիովին նորմալ է քայլում, բայց կիսաշրջազգեստներ և լողազգեստներ չի կրում: Նաև չի կարողանում երկար պարել, քանի որ հոգնում է, իսկ մնացած առումներով նրա կյանքը լիովին նորմալ է:

Նրա երկվորյակ քույրը մնաց ապրելու հարազատ կոլխոզում, որտեղ 4 երեխա ունեցավ 3 տարբեր տղամարդկանցից, Ռասայի հարազատ ծնողներն էլ արդեն չկան:

Ռասան մինչև հիմա ջերմ հարաբերություններ ունի իր փրկիչ բժշկի հետ, նրան իսկական Պահապան-հրեշտակ է համարում:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին