Ամազոնի անտառները հայտնի են բազմազան բուսական և կենդանական աշխարհով, որի ներկայացուցիչները շատ վտանգավոր են:

Ամազոնի ջրերում ավելի վտանգավոր կենդանիներ են ապրում:

zNews-ը ներկայացնում է այդ գետում ապրող 10 ամենավտանգավոր կենդանիները:

1. Սև կայման

Ամենախոշոր առանձնյակների երկարությունը հասնում է 6 մետրի: Ունեն մանգուստի արձագանք և վագրի ուժ: Ամազոնի ամենավտանգավոր գիշատիչներն են, որոնք չեն խնայի իրենց ճանկն ընկած ցանկացածին:

2. Անակոնդա

Եվս մեկ հսկայական գիշատիչ, որն աշխարհի ամենախոշոր օձն է: Քաշը հասնում է 250 կգ-ի: Անակոնդան ունենում է 9 մ երկարություն և 30 սմ տրամագիծ: Եթե անակոնդան փաթաթվի մարդու շուրջը, վերջինս չի փրկվի:

3. Արապաիմա

Այս հսկաներն ունեն զրահապատ թեփուկներ, ուստի դրանց նույնիսկ պիրանիաները չեն վնասի: Հիմնականում ավելի մանր ձկներ և թռչուններ են որսում, բայց մարդ էլ կուտեն: Արապաիմայի երկարությունը հասնում է մինչև 3 մետրի, քաշը՝ 90 կիլոգրամի: Նույնիսկ լեզվի վրա ատամներ ունի:

4. Բրազիլական ջրասամույր

Այնտեղ նույնիսկ ջրասամույրներն են հսկայական: Այս 2-մետրանոց կենդանիները ձուկ և ծովախեցգետին են որսում: Խմբով դրանք հասուն անակոնդաներ կամ նույնիսկ կայման են սպանում:

5. Սովորական վանդելիա (բրազիլական վամպիր)

Այս մանր ձուկ-մակաբույծներն ամենախոշոր գիշատիչներից ավելի վտանգավոր են: Սովորաբար ձկները մակաբուծում են խոշոր ձկների խռիկներում, բայց կարող են նաև մարդու օրգանիզմ ընկնել: Դրանք առանց վիահատության հեռացնել հնարավոր չէ:

Մանր առանձնյակները մարդու մարմին են ընկնում անալ, հեշտոցային անցքերից, նույնիսկ առնանդամի միջով: Օրգանիզմում հաստատվելով՝ դրանք կարող են դժոխային ցավ պատճառել:

6. Ցուլ շնաձուկ

Առավել հաճախ ապրում են օվկիանոսի աղի ջրում: Երբեմն լողում են քաղցրահամ ջրեր և սարսափեցնում են տեղի բնակիչներին: Դրանց ծնոտն ապահովում է 589 կգ-ի կծելու ուժ: Սովորաբար դրանց հետ հանդիպումից հետո ոչ ոք չի փրկվում:

7. Էլեկտրական օձաձուկ

2-մետրանոց օձաձուկը կարող է զոհին հարվածել մինչև 600 վոլտ լարումով: Դա մոտ 3 անգամ ավել է, քան քո վարդակում:

Բայց սպանոմ է ոչ լարումը: Զոհի շնչառությունը կանգ է առնում ցավային շոկից, նա խեղդվում է ջրում:

8. Սովորական պիրանյաներ

Այս ձկների սուր ատամները մարմինը ծվեն-ծվեն են անում:

Հետաքրքիր է, որ պիրանյաները լեշակեր են, բայց դեմ չեն թարմ միս ուտել:

9. Սկումբրիանման հիդրոլիկ

Այս ստորջրյա արնախումները վամպիրի ժանիքներ ունեն: Դրանք գտնվում են հիդրոլիկների ստորին ծնոտի վրա: Զոհը նստում է դրանց վրա և այլևս չի կարողանում փախչել: Հիդրոլիկների բերանում նույնիսկ հատուկ անցքեր կան դրանք թաքցնելու համար:

10. Դարչնագույն պակու

Այս ձկները պիրանյաների ազգակիցն են: Պակուները մրգեր և ընկուզեղեն են նախընտրում, բայց դեմ չեն ինչ-որ մեկին կծել:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին