Սպիտակ մազերի խնդրի հետ վաղ թե ուշ բախվում է յուրաքանչյուր կին։

Անկախ մազերի սպիտակելու պատճառներից և տարիքից, յուրաքանչյուր կին կարող է ծածկել դրանք բնական ներկերի օգնությամբ։

Իհարկե, դրանք այնքան արդյունավետ չեն, որքան խանութներում վաճառվող ներկերը և հաճախ մի քանի անգամ կրկնելու կարիք է զգացվում՝ ցանկալի արդյունքին հասնելու համար։

Սակայն դրանք մի անվիճելի առավելություն ունեն՝ այս ներկերի բացարձակ բնականությունը։

zNews-ը բնական ներկեր ստանալու մի քանի փորձված տարբերակներ է առաջարկում, որոնք լավ ներկում են սպիտակ մազերը։

1. Սև թեյ

1. Մեկանգամյա օգտագործման թեյի 5-6 փաթեթների վրա 2 բաժակ եռացրած ջուր լցրեք և թողեք 10 րոպե։

2. Սառելուց հետո այն քսեք մազերին՝ հատկապես սպիտակած հատվածներին ուշադրություն դարձնելով։

3. Լվանալու կարիք չկա, չնայած կարող եք լվանալ, եթե հոտը ձեզ այնքան էլ դուր չի գալիս։

Կրկնեք շաբաթական մի քանի անգամ, եթե ուզում եք ընդգծված արդյունք ստանալ։

2. Ընկույզի կեղև՝ եթե ցանկանում եք ավելի մուգ երանգ ստանալ

1. Կեղևը լվացեք և մանրացրեք, վրան ջուր լցրեք և եռացրեք ցածր կրակի վրա մոտ 30 րոպե։

2. Սառելուց հետո քսեք մազերին և մեկ ժամից հետո միայն լվացեք մազերը մաքուր ջրով։

3. Կրկնեք շաբաթական 1-2 անգամ։

3. Սուրճ՝ մուգ մազերը ներկելու համար

1. Թունդ սուրճ եփեք։

2. Սառելուց հետո քսեք մազերին և պահեք առնվազն մեկ ժամ, հետո լվացեք ոչ տաք ջրով։

3. Երանգը պահելու համար կրկնեք շաբաթական 2-3 անգամ։

4. Բազուկ և գազար՝ խարտյաշ մազերի համար

Կախված նրանից՝ ավելի կարմրոտ երանգ եք նախընտրում, թե դեղնավուն, փոփոխեք գազարի և բազուկի հարաբերկացությունը։

1. Խառնեք թարմ քամված հյութերն անհրաժեշտ հարաբերակցությամբ։

2. Քսեք մազերին և թողեք առնվազն մեկ ժամ, ինչից հետո լվացեք գոլ ջրով։ Կրկնեք շաբաթական 1-2 անգամ։

5. Բաց մազերի համար՝ երիցուկի թուրմը

Շաբաթական մեկ–երկու անգամ լվացեք մազերը երիցուկի թուրմով։ Այն նաև գեղեցիկ երանգ կտա մուգ մազերին։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին