Դիմահարդար Գոհար Ավետիսյանն ամուսնու` Սերգեյի, հոր՝ Սմբատի ու մոր՝ Նաիրայի հետ այս օրերին Հայաստանում է: Գոհարը հայտնել է, որ գալու պատճառը հարազատներից մեկի հարսանիքն է:
Ինստագրամի իր էջում Գոհարը նշել է, որ ամուսինն առաջին անգամ է Հայաստանում։ Նա ցույց է տվել, թե ինչպես են այցելում իր մայրական տատիկին՝ Շուրային, որը Լիճք գյուղից է:
«Պատուհանից այն կողմ Սևանա լիճն է, մեքենայում հերթով իրար անեկդոտներ են պատմում իմ երկու սիրելի տղամարդիկ (հայրն ու ամուսինը, խմբ.), մայրս հեռախոսով ինչ-որ խաղ է խաղում, իսկ ես հաճույք եմ ստանում այս ամենը տեսնելով»,- գրել է Գոհարը:
Դիմահարդարը ցույց է տվել ամուսնու և տատիկի առաջին հանդիպումը: Տատիկը Գոհարին երջանկություն է մաղթել և խորհուրդ տվել՝ խելոք լինել:
Հիշեցնենք, որ ավելի վաղ լուրեր էին շրջանառվում, թե Գոհարն ու Սերգեյն ամուսնալուծվել են: Այդ լուրերին նպաստել էր հենց Գոհարը` թաքցնելով ամուսնու հետ լուսանկարները, իսկ հարցին, թե ո՞ւր է իր ամուսինը, պատասխանելով «Եվ ապրեցին նրանք երկար և երջանիկ, որովհետև ժամանակին բաժանվեցին» գրությամբ լուսանկարով։
Ավելի ուշ, սակայն, Գոհարին ու ամուսնուն լուսանկարել էին Սոչիում զբոսանքի ժամանակ:
