Առաջիկայում պատրաստվում եք մեկնել ծովափնյա հանգստի, իսկ կազմվածքը թույլ չի՞ տալիս բաց լողազգեստ հագնել:

Դուք ժամանակ չունե՞ք այցելելու մարզասրահ և տա՞նն էլ չեք կարողանում մարզվել…

Հոգ չէ:

zNews-ը առաջարկում է 6 միջոց ավելորդ կիլոգրամներից համեմատաբար արագ ազատվելու համար:

1. Հրաժարվեք սպիրտային խմիչքներից: Եթե օգտագործում եք ալկոհոլ, լավ կանեք հրաժարվեք դրանից: Չոր գինու 100 գրամը պարունակում է 56-70 կկալ կալորիա: Սա մանրուք է, բայց ազդում է Ձեր կազմվածքի վրա:

2. Շատ քայլեք: Երբ ուզում եք տրանսպորտ նստել, մի վայրկյան մտածեք. եթե անցնելիք տարածքը 1-2 կանգառ է ու ժամանակ դեռ ունեք, ավելի լավ է ոտքով գնալ: Նույն կերպ վարվեք նաև վերելակ նստելուց առաջ: 5-6 հարկ ոտքով բարձրանալը մեծ դժվարություն չէ:

3. Քաղցր ես ուզո՞ւմ, միս կեր: Ընդմիշտ հիշեք’ ուղեղը մարմնի ամենաեսասեր մասն է: Այն մշտապես ունի գլյոկոզա պարունակող նյութերի կարիք: Բայց Դուք ավելի ուժեղ եք: Ամեն անգամ, երբ քաղցրեղեն տեսնելիս քիչ է մնում կուլ տաք, կառավարեք Ձեզ և մի քիչ անյուղ կաթնաշոռ, հավ կամ ձուկ կերեք:

4. Շարժվեք: Անգամ աշխատավայրում համակարգչի դիմացից երբեմն վեր կացեք և պարզապես քայլեք 5-10 րոպե: Այսպիսով կազատվեք մոտ 240-250 կկալ կալորիայից:

5. «Մեկ գդալի օրենք»: Սա կատակ բան չէ: Ամեն անգամ ճաշ ուտելիս ափսեում մեկ գդալ թողեք՝ մնա:

6. Քաղցած ես՝ ջուր խմիր: Մոդելային աշխարհում գործող այս սուր օրենքը կարելի է նաև կյանք տեղափոխել: Հաճախ ծարավը անչափ նման է լինում սովի: Նախ ջուր խմեք, ապա միայն որոշեք՝ սոված եք, թե’ ոչ:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ