zNews-ը ներկայացնում է՝ ինչպես օրգանիզմին օգնել ավելի արագ վերականգնվել ծննդաբերությունից հետո:
Ֆիզիոլոգիական կողմեր
1. Արգանդ
Արգանդի կրճատումն արագացնելու համար պետք է ծննդաբերությունից 3-4 ժամ անց մի քիչ քայլել: Եթե քայլել անցանկալի է կամ չափազանց անհարմար է, մերսումը կօգնի: Պետք է զգուշորեն շոշափել արգանդի հատակը (որպես կանոն, այն գտնվում է պորտից քիչ ներքև) և այն երկու մատով շոյել շրջագծից դեպի կենտրոն ուղղությամբ: Կրճատումը զգալիորեն ուժեղացնել և արագացնել կարող է կրծքով կերակրելը:
Հեշտոցը նույնպես զգալիորեն բացվում է՝ երեխայի համար ճանապարհ ազատելով, բայց դրա վերականգնման գործընթացն արագացնել և հետույքի հատակի մկաններն ամրացնել կօգնի Քեգելի վարժությունը:
2. Միզապարկ
Խորհուրդ է տրվում զուգարան գնալ 2 ժամը մեկ՝ առանց սպասելու, որ օրգանիզմը պահանջի:
3. Ստամոքսաղիքային տրակտ
Խորհուրդ է տրվում բջջանյութով հարուստ սնունդ, նաև թեթև մերսում: Սահուն շարժումներով ձեռքը սահեցրեք որովայնի հատվածում ժամսլաքի ուղղությամբ՝ թեթևակի սեղմելով դրան ամեն անգամ արտաշնչելիս:
4. Ցիկլի վերականգնում
Կերակրող մոր Առաջին ամսեկանը կարող է սկսվել 6-18 ամսում, թեև հազվադեպ չեն դեպքերը, երբ դա տեղի չի ունենում մինչև կրծքով կերակրման լրիվ դադարեցումը: Եթե մայրը երեխային չի կերակրում, վերականգնման ժամանակը մոտ 1,5-2 ամիս է:
Նորից հղիանալու ունակությունը վերադառնում է դաշտանի հետ, սակայն պետք չէ հենվել նրա վրա, որ հղիություն հնարավոր չէ մինչ այդ:
Էսթետիկ կողմեր
Ծննդաբերությունից հետո առաջին 2 ամիսներին պետք է խուսափել ֆիզիկական ծանրաբեռնվածությունից: Այդ ընթացքում առավելագույնը կարելի է մանկասայլակով զբոսնել, ոչ ավելին: Կրծքով կերակրելը նույնպես օգնում է նիհարել: Միջինում մեկ կերակրման ընթացքում այրվում է 400-500 կկալ:
Հարթ որովայնը վերադարձնելու համար պետք է հատուկ հետծննդյան բանդաժ ձեռք բերել: 2 ամիս անց թույլատրելի է աննշան ֆիզիկական ծանրաբեռնվածությունը՝ աստիճանաբար դրանց ինտենսիվության ավելացմամբ: Մինչ այդ ավելի լավ է՝ սահմանափակվել շնչառական մարմնամարզությամբ, էլաստիկ գոտով և պարբերաբար փորի վրա պառկելով:
Մաշկին անհրաժեշտ տուրգորը վերադարձնել կօգնի կոնտրաստային լոգանքը:
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին
