Այսօր zNews-ը առաջարկում է ձեր տան անդամներին հյուրասիրել լավաշով պատրաստված այս շատ համեղ տաք նախուտեստը՝ տաք ռուլետներ՝ կարտոֆիլով և սնկով։

Շատ համեղ է ստացվում, արագ և կշտացնող։

Անհրաժեշտ բաղադրիչներ

• Լավաշ – 2 հատ,
• Սոխ – 1 հատ,
• Շամպինյոն – 300 գ,
• Կարտոֆիլ – 500 գ,
• Սխտոր – 3 պճեղ,
• Կանաչի – մի քանի ճյուղ,
• Բուսայուղ – 4-5 ճ/գ,
• Աղ, պղպեղ – ըստ ճաշակի։

Պատրաստման եղանակը

1. Մաքրած կարտոֆիլը խաշեք աղաջրում։

2. Մանր կտրատեք սոխը և տապակեք բուսայուղի մեջ, ավելացրեք սունկը և շարունակեք տապակել ևս 7-8 րոպե։

3. Կարտոֆիլի խյուս պատրաստեք, ավելացրեք սունկը և սոխը, կանաչին և սխտորը։ Աղ և պղպեղ արեք։

4. Լավաշի վրա դրեք միջուկի կեսը և տարածեք։ Ծածկեք երկրորդ լավաշով, որի վրա տարածեք միջուկի մնացած մասը։ Ռուլետի նման փաթաթեք։ Կտրատեք 2 սմ լայնության կտորների և երկու կողմից տապակեք։

Մատուցեք տաք վիճակում։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ