Գուցե շատերի համար տարօրինակ է, բայց, այնուամենայնիվ, մեր իրականության մեջ քիչ չեն աղջիկները, ովքեր ցանկանում են գիրանալ:

Համաձայնեք, որ չափից դուրս նիհար աղջիկներն անառողջ մարդու տպավորություն կարող են թողնել:

Բացի այդ, քիչ չեն տղամարդիկ, ովքեր խոստովանում են, որ թմբլիկ կանանց են նախընտրում եւ որ չափից դուրս բարակ իրան կամ ոտքեր ունեցողները գրավիչ չեն: Այդպես է այդ, թե՝ ոչ, թողնում ենք յուրաքանչյուրի դատողությանը: Իսկ այսօր կփորձենք մի քանի խորհուրդ տալ այն աղջիկներին, ովքեր որոշել են գիրանալ:

Նախ՝ եթե ձեր մարմնի քաշը նորմայից քիչ է, ապա ինքնուրույն գիրանալու փորձեր անելուց առաջ արժե խորհրդակցել բժշկի հետ: Իսկ եթե քաշի հետ ամեն ինչ նորմալ է, բայց ցանկանում եք ընդամենը մի փոքր «կլորեցնել» մարմնի որոշ հատվածներ, ապա պետք է փոխեք սննդակարգը:

Գիրանալու եւս մեկ տարբերակ կա` մկանները մարզելու միջոցով: Այս տեսակի առավելությունն այն է, որ դուք ինքներդ կարող եք ընտրել, թե մարմնի ո՞ր մկանախումբը մարզել, հետեւաբար եւ մարմնի ո՞ր հատվածը գիրացնել: Այդ կարող եք անել մարզասրահում` տարատեսակ մարզասարքերի օգնությամբ, բայց եթե նման հնարավորություն չունեք, ապա սպիտակուցային սնունդը կարող է որոշ չափով օգնել ձեզ մեծացնել մարմնի մկանային զանգվածը: Մեծ քանակությամբ սպիտակուցներ են պարունակում ձուկը, մսեղենը, սոյան:

Ինչ վերաբերում է մարմնի ընդհանուր կառուցվածքը փոխող սննդին, ապա այստեղ սահմանափակումներ չկան: Կերեք, որքան ցանկանում եք եւ կարող եք: Կծուն ու աղին գրգռում են ախորժակը: Ընդունեք շատ ճարպեր եւ ածխաջրեր:

Մրգերից նախապատվությունը տվեք բանանին ու խաղողին: Ձեր սննդակարգում ավելացրեք ընդեղենն ու չրեղենը: Եվ հիշեք. փարթամ կառուցվածքը պահպանելու համար պետք է քիչ շարժվել:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ