Անգլիայից 28-ամյա Հոլլի Մաքկալլոհի՝ Թուրքիայում էժան պլաստիկա անելու ցանկությունը առողջության հետ կապված լուրջ խնդիրներով է շրջվել:

Ընդամենը 2700 ֆունտ սթերլինգով կրծքի մեծացման վիրահատություն խոստացող գովազդը Հոլլին տեսել էր Instagram-ում:

Կնոջը գրավել էր այն, որ արժեքի մեջ էր մտնում կեցությունն ու ավիաթռիչքը, իսկ բուն վիրահատությունն անցկացվելու էր, լուսանկարներից դատելով, շքեղ վիլլայում:

Որքան էր նրա հիասթափությունը, երբ իրականում վիլլայի փոխարեն կանգնած էր խարխուլ տուն, իսկ տարօրինակ կլինիկայի բուժանձնակազմը անգլերեն չգիտեր եւ պացիենտների հետ շփվում էր Google-թարգմանչի միջոցով:

Բժիշկները Հոլլիի կուրծքը մեծացրել են В-ից մինչեւ G, սակայն վիրահատությունից հետո ցավն այնքան ուժգին էր, որ կինը բժիշկներին աղաչել է իմպլանտները հեռացնել:

Չորս ամիս հետո կատարվել է իմպլանտները G չափսից D չափսի փոխարինելու երկրորդ վիրահատությունը, ընդ որում՝ թուրքական կլինիկան խոստացել է այն անվճար անցկացնել:

Սակայն այս անգամ ամեն ինչ շատ ավելի վատթար է եղել. հայրենիք վերադառնալուց ընդամենը 24 ժամ առաջ Հոլլիի մոտ ուժեղ տենդ է սկսվել:

Առողջական վիճակն այնքան վատ էր, որ Ամստերդամում չվերթը փոխելիս նրան հաշմասայլակն էր սպասում:

Օդանավակայանում նրան հակաբիոտիկներ եւ ցավազրկողներ են տվել, իսկ տուն վերադառնալուց հետո նա անմիջապես հոսպիտալացվել է:

Իմպլանտներից մեկի շուրջ մաշկը սկսել էր սեւանալ, հայտնվել էր նեխած մսի հոտ:

Ի լրացումն բոլոր դժբախտությունների, կարը պատռվել էր՝ իմպլանտը մերկացնելով:

Բժիշկները նրան խորհուրդ են տվել անմիջապես հեռացնել սիլիկոնը, որպեսզի կանխեն ինֆեկցիայի տարածումը:

Արդյունքում Հոլլիի մի կուրծքը մյուսից 2 չափսով մեծ է դարձել:

Հիմա Հոլլին գրանցվել է իմպլանտի փոխարինման վիրահատության եռամսյա հերթացուցակի մեջ, ընդ որում այս վիրահատության համար նա պետք է վճարի 1000 ֆունտ սթերլինգ:

Դրանից բացի, առողջական խնդիրների պատճառով կինը ժամանակավորապես անաշխատունակ է դարձել:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ