zNews-ը ներկայացնում է մի խումբ գիտնականների առաջարկած 9 միջոցը, որոնք կարող են օգնել մարդկությանը այնպիսի դժվարին հարցում, ինչպիսին ինքնակրթությունն է:

1. Գրի՛ առեք բոլոր մտահղացումները: Դա կարող է լինել գնումների ցանկ, լսված զրույց, հանկարծակի մտահղացած գաղափար և նույնիսկ` գեղեցիկ երկտող: Մտքերը մոռացության մատնվելու հատկություն ունեն, պահպանե՛ք դրանք:

2. «Այստեղ և հիմա» մարտավարությու՛նը կիրառեք: Եթե դուք գտնվում եք աշխատավայրում, մտածեք աշխատանքի մասին, տուն մտնելիս մոռացեք աշխատավայրում առկա բոլոր խնդիրների մասին:

3. Սովորե՛ք փոքր քայլերի արվեստը: Ամենօրյա փոքր քայլերը դեպի մեծ հաղթանակներ են տանում, դրա վառ օրինակը նիհարելու համար կիրառվող ֆիզիկական աշխատանքներն են:

4. Օրը ենթամասերի բաժանեք, կիրառեք պլանավորման արդյունավետությունը:

5. Ամենհրատապը կյանքի հանդեպ վերաբերմունքի փոփոխությունն է: Որքան էլ որ դա եսասիրության նմանվի, կյանքից վերցրեք միայն ամենագեղեցիկը, լուսավորն ու լավագույնը:

6. Շփվեք ա՛յն մարդկանց հետ, որոնցից սովորելու բան ունեք: Ազատվե՛ք մշտապես բողոքող, դժգոհ և այնպիսի մարդկանցից, ովքեր ձեզ դեպի անդունդ են ձգում:

7. Պետք չ՛է մոռանալ ներդաշնակ գոյության երեք բաղադրիչների՝ առողջ սննդի, ֆիզիկական վարժանքի և հոգեկան հավասարակշռության մասին: Այդ հարցերում կարող են օգնել համապատասխան մասնագետները:

8. Որքան էլ տարօրինակ հնչի՝ հոգեբանները դեռևս գնահատում են օրագրի դերը: Խոսքը ո՛չ թե դպրոցական, այլ՝ ինքնակատարելագործման օրագրի մասին է:

9. Ամեն օր քնելուց առաջ 5-ից 15 րոպե տրամադրեք ինքնաներշնչմանը, օրվա անցուդարձի վերանայմանն ու վերլուծմանը:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ