Ցելյուլիտն առաջանում է մարդու վարած ապրելակերպի հետևանքով և ցույց է տալիս կյանքի ու սեփական անձի հանդեպ նրա վերաբերմունքը:

zNews-ը Ձեր ուշադրությանն ենք ներկայացնում ցելյուլիտի առաջացման 3 հիմնական պատճառները:

Ցելյուլիտի առաջացման առանցքային կետերից մեկը ժառանգականության գործոնն է: Այս խնդիրը փոխանցվում է մայրական գծով՝ մորից դստերը:

Տարիքային փոփոխությունները նույնպես մեծ նշանակություն ունեն: Տարիքի հետ մաշկը կորցնում է իր առաձգականությունը, վատանում է պերիֆերիկ ավշային ու արյան շրջանառությունը, փոխվում է հորմոնալ ֆոնը և այս ամենի հետևանքով ցելյուլիտ է առաջանում կամ խորանում է արդեն իսկ ի հայտ եկած խնդիրը: Ընդ որում՝ ցելյուլիտի առաջացման արագությունը տարբեր մարդկանց մոտ տարբեր է լինում (ոմանց մոտ այն ի հայտ է գալիս տարեց հասակում, իսկ ոմանց մոտ էլ կարող է նկատվել արդեն 20 տարեկանում):

Շատ մեծ նշանակություն ունի նաև ավելորդ քաշը: Գեր կանանց մոտ ցելյուլիտն ավելի հաճախ է հանդիպում և տարիքի հետ ավելի ակնհայտ է դառնում, քան նիհարների մոտ: Սակայն սա ընդհանուր կանոն չէ, քանի որ արտահայտված ցելյուլիտ կարող է առաջանալ նույնիսկ նիհար և սպորտով զբաղվող կանանց մոտ, մինչդեռ շատ գիրուկներ էլ կարող են ունենալ հարթ ու ձիգ մաշկ: Սակայն կա մի գործոն, որն ընդհանուր է բոլոր կանանց համար՝ քաշի տատանումները: Ցավոք շատերն ուշադրություն չեն դարձնում այդ գործոնին, ինչի հետևանքով ցելյուլիտն էլ ավելի է խորանում:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ