Շատերը «հորմոն» բառն ասոցացնում են կանաց մոտ նախադաշտանային շրջանի հետ ու այն փոփոխությունների հետ, որոնք կրում է կանացի օրգանիզմն այդ ընթացքում:

Սակայն իրկանում մենք բոլորս էլ մեր ծնված օրվանից մինչև մահ ենթակա ենք հորմոնալ փոփոխության, սակայն շատ քչերն են հասկանում այդ փոփոխությունների իմաստը:

Շատ կանայք կարծում են, որ հորմոնների հետ կապված խնդիրները սկսում են 40 կամ 50 տարեկանից հետո, սակայն հորմոնալ դիսբալանսի առաջին իսկ նախանշանները կարող են նկատելի լինել 35 տարեկանից հետո:

Վերջիններիս առաջացումը կախված է մարդու կենսակերպից ու սննդակարգի օգտագործման ռեժիմից:

Ավելին, օդի աղտոտվածությունն ու շրջակա միջավայրի տոքսիններն ևս կարող են բացասական ազդեցություն թողնել մեր առողջության վրա:

zNews-ը Ձեզ է ներկայացնում 9 ախտանշաններ, որոնք չպետք է ոչ մի կին անտեսի, քանի որ նրանք խոսում են հորմոնալ խանգարման մասին:

1. Քաշի կայուն ավելացում.

Եթե շարունակ առկա են քաշի հետ կապված խնդիրներ, ապա դա ոչ միշտ է, որ խոսում է սխալ սննդակարգի մասին, քանի որ ավելորդ քաշը կարող է հորմոնալ խանգարման նշան լինել: Սթրեսի հորմոնի՝ կորտիզոլի մակարդակի խախտումը կարող է հանգեցնել ոչ միայն ավելորդ քաշի ձեռքբերման, այլ նաև նաև մարմնի որոշ մասերում ճարպային շերտի կուտակման:

2. Լիբիդոյի նվազում.

Ցածր սեռական հետաքրքրվածությունը ևս կարող է հանդիսանալ հորմոնալ դիսբալանսի ախտանշաններից մեկը: Անդրոգեն հորմոնը արտադրվում է տղամարդկանց ու կանաց մոտ, իսկ վերջինիս սակավությունը կարող է առաջացնել լիբիդոյի նվազում:

3. Հոգնածություն.

Արագ հոգնածությունը ևս կարող է լինել հորմոնալ խանգարման նշան, հատկապես երբ մարդ այդ ընթացքում բավականին լավ է քնում, սակայն արթնանում է արդեն հոգնածության զգացումով: Նման բան կարող է տեղի ունենալ կորտիզոլի մակարդակի փոփոխման պատճառով, որը արտադրվում է սթրեսի ու ապրումների ժամանակ:

4. Վատ տրամադրություն.

Ալարկոտությունն ու վատ տրամադրությունը, ինչպես նաև դյուրագրգռվածությունը, անհանգստության բարձր մակարդակն ու սթրեսները կարող են առաջանալ վահանագեղձի աշխատանքի խախտման:

5.Անքննություն ու քնի հաճախակի ընդհատում.

Քնի խանգարումը կանանց մոտ հաճախակի առաջանում է դաշտանդադարի ժամանակ: Անքնությունն ու քնի հաճախակի խանգարումները կարող է առաջանալ հորմոնալ բալանսի բավականին լուրջ խանգարումների հետևանքով:

6. Չափից շատ քրտնարտադրությունը.

Նման տհաճ ախտանշանը ևս կարող է խոսել հորմոնալ բալանսի խախտման մասին: Մակընթացությունները (ջերմության զգացողություն) ու գիշերային քրտնարտադրությունը կարող են առաջանալ էնդոկրին համակարգի աշխատանքի խախտումների ժամանակ, որի արդյունքում կրճատվում կամ ավելանում է սերոտոնինի արտադրությունը:

7. Մարսողության հետ առաջացած խնդիրներ.

Եթե առկա են մարսողության հետ կապված խանգարումներ, դա կարող է կապված լինել աղեստամոքսային տրակտի 3 հորմոնների՝ գաստրինի, սեկրետինի ու խոլեցիստոկինի դիսբալանսի հետ, իսկ վերջիններիս արտադրության խանգարումն առաջացնում է աղեստամոքսային տրակտի աշխատանքի հետ խնդիրներ:

8. Քաղցրի նկատմամբ ձգողականություն.

Հորմոնալ դիսբալանսի ևս մեկ նախանշան է հանդիսանում քաղցրի նկատմաբ չափից շատ ձգողականությունը, որը կարող է առաջանալ վահանագեղձի աշխատանքի խանգարման հետևանքով:

9. Մազաթափություն.

Մազաթափությունը կարող է առաջանալ օրգանիզմում տեստոստերոնինների ու դիհիդրոտեստոստերոնինների մակարդակի խանգարման հետևանքով:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ