Եթե ցանկանում եք «մաշել» որովայնը, պետք է ոչ միայն սպորտով զբաղվեք, այլեւ հետեւեք սննդին։
Ահա թե ինչ խորհուրդներ են տալիս մասնագետները նրանց, ովքեր ցանկանում են հասնել ողորկ փորի:
Հրաժարվեք թեթեւակի քաղցրեղեններից
Գազավորված քաղցր ըմպելիքները շատ վնասակար են թե՛ առողջության, թե՛ կազմվածքի համար, բայց դրանց «դիետիկ» տարատեսակները նույնպես ամենեւին լավը չեն. սինթետիկ քաղցրացնողներով մթերքները վնասակար ազդեցություն են գործում աղիքային միկրոբիոմի վրա՝ նպաստելով բարձր գազագոյացմանը, որովայնի փքվածությանը եւ ճարպային զանգվածի աճին։ Ուստի ցանկացած քաղցր ըմպելիքից ցանկալի է հրաժարվել, անկախ այն բանից՝ դրանում շաքար է պարունակվում, թե շաքարի փոխարինիչներ։
Օգտագործեք ավելի շատ ֆերմենտացված մթերքներ
Ֆերմենտացված մթերքներն օրգանիզմն ապահովում են պրոբիոտիկներով, որոնք նպաստում են օգտակար աղիքային մանրէների բազմացմանը։ Այդ մթերքներից են բնական յոգուրտները, թթու կաղամբը եւ թթու կաթնամթերքները։
Օգտագործեք համեմունքներ
Համեմունքները նպաստում են աղիներում բորբոքման նվազմանը։ Բորբոքման նվազումն, իր հերթին, օրգանիզմին թույլ է տալիս արտադրել օգտակար մանրէների մեծ պոպուլյացիա, որոնք ապահովում են աղիների առողջությունը։
Ավելի շատ տերեւավոր բանջարեղեն կերեք
Մուգ տերեւավոր բանջարեղենների ներառումը սննդակարգում շատ գործուն միջոց է՝ հաղթելու որովայնի փքվածությանը եւ առողջացնելու աղիները։ Աղիների լավ աշխատանքը եւ առողջ նյութափոխանակությունը պարզապես անհրաժեշտ են կառուցիկ որովայն ունենալու համար։
Հասկանալի է, որ ֆիզիկական վարժությունների մասին մոռանալ նույնպես չարժե, բայց պետք է ոչ միայն որովայնի ձգման, այլ նաեւ տարբեր ուժային վարժություններ կատարել։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ