Ականջների ու լսողության հետ կապված խնդիրների դեպքում մարդիկ ոչ միշտ են մտածում այլ հիվանդությունների զարգացման հավանականության մասին, մինչդեռ իրականում ականջները շատ բան կարող են պատմել մարդու առողջության մասին:
Ձեր ուշադրությանն ենք ներկայացնում ականջների հետ կապված մի քանի խնդիր, որոնք կարող են պայմանավորված լինել լուրջ հիվանդություններով:
Մի ականջի լսողության կորուստ
Որպես կանոն այս խնդրի առաջացման պատճառները լուրջ վտանգ չեն ներկայացնում և հեշտությամբ բուժվում են, սակայն որոշ դեպքերում նման միակողմանի լսողության կորուստը կարող է պայմանավորված լինել ներքին ականջի նյարդի վրա զարգացող ուռուցքով:
Ականջներում աղմուկ
Այս աղմուկը կարող է պայմանավորված է տարբեր խնդիրներով, որոնց թվում կան նաև կյանքի համար վտանգավոր խանգարումներ: Այն կարող է վկայել զարկերակային բարձր ճնշման, խոլեստերինի մակարդակի բարձրացման, ինչպես նաև պրեէկլամպսիայի և ուռուցքների մասին: Բացի այդ, այս ականջներում աղմուկը կարող է պայմանավորված լինել նաև հորմոնալ փոփոխություններով, ականջի վարակներով ու որոշակի դեղամիջոցների ընդունմամբ:
Խոնավ ականջածծումբ
Ճապոնացի գիտնականները պարզել են, որ խոնավ ու կպչուն ականջածծումբը կարող է հուշել այնպիսի վտանգավոր հիվանդության զարգացման մասին ինչպիսին է կրծքագեղձի քաղցկեղը: Բանն այն է, որ հիվանդության զարգացումը կապված է ABCC11 գենի մուտացիայի հետ, որն ազդում է նաև ականջածծումբի քանակության վրա:
Ականջների «այրոց»
Հասուն կանանց մոտ սա կարող է լինել դաշտանադադարի մասին վկայող առաջին ախտանշաններից մեկը: Այս դեպքում ջերմահորդանքները սովորաբար դրսևորվում են հենց դեմքի վերին հատվածում:
Ականջների թմրածություն
Այս ախտանշանը շատ վտանգավոր է, եթե ուղեկցվում է ոտքերի ու ձեռքերի թուլությամբ, դեմքի այտուցվածությամբ ու խոսքի դժվարացմամբ: Նման ախտանշանները կարող են վկայել գլխուղեղի կաթվածի մասին, ուստի հարկավոր է շատ ուշադիր լինել:
Կնճիռներ ականջաբլթակներին
Ականջաբլթակն անկյունագծով հատող կնճիռը կարող է լինել սրտի իշեմիկ հիվանդության նախանշաններից մեկը: Նման կնճիռների ի հայտ գալը պայմանավորված է մանր անոթների դեֆորմացմամբ, ինչի հետևանքով խանգարվում է արյան միջոցով սրտի սնուցման գործընթացը:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
