Ո՞ր ախտանշաններն են հուշում միզապարկի քաղցկեղի մասին

Like on FB:

Միզապարկի քաղցկեղը շատ վտանգավոր հիվանդություն է, որի բուժման արդյունավետությունը, ինչպես և քաղցկեղի ցանկացած այլ տեսակի դեպքում, կախված է լինում հիվանդության վաղ ախտորոշումից։

Օնկոլոգիական այս հիվանդության վաղ ախտանշաններն իմանալը շատ կարևոր է, քանի որ թույլ է տալիս ժամանակին նկատել հիվանդությունն ու միջոցներ ձեռնարկել դրանից հնարավորինս արագ ազատվելու համար, սակայն մարդիկ հազվադեպ են ուշադրություն դարձնում այդ ախտանշաններին՝ վերագրելով դրանք այլ հիվանդություններին։

Նման խնդիրներից խուսափելու համար բրիտանացի մասնագետները նշել են այս հիվանդության մասին հուշող այն ախտանշանները, որոնք ոչ մի դեպքում չի կարելի անտեսել։

Ինչպես բացատրում են Ուրոլոգիայի հիմնադրամի մասնագետները, քաղցկեղի այս տեսակը զարգանում է այն ժամանակ, երբ միզապարկի բջիջներն սկսում են կիսվել ու աճել անոմալ արագությամբ՝ ձևավորելով ուռուցք։ Մասնագետների խոսքով՝ այս հիվանդությունը երկու անգամ ավելի հաճախ է զարգանում տղամարդկանց մոտ։ Ընդ որում՝ 50 տարեկանից բարձր անձանց մոտ հիվանդության զարգացման հավանականությունն էլ ավելի է աճում։

Միզապարկի քաղցկեղի մասին հուշող ամենատարածված ախտանշանն արյան մեջ մեզի առկայությունն է։ Ընդ որում՝ մեզի մեջ արյան քանակությունը քաղցկեղի զարգացման աստիճանի ցուցիչը չէ։ Բացի այդ, որոշ դեպքերում մեզի կարմրավուն երանգը կարող է մշտական բնույթ կրող խնդիր լինել, ինչի հետևանքով էլ երբեմն մարդիկ չեն նկատում խնդրի մասին հուշող ախտանշանը, ուստի այն ժամանակին հայտնաբերելու համար հարկավոր է շատ ուշադիր լինել։

«Մեզի գույնը կարող է տատանվել մուգ կարմիրից մինչև շագանակակարմրավուն, և միզելիս ոչ միշտ է այն նման երանգ ունենում։ Անկախ երանգից մեզի մեջ նկատվող արյունը կարող է անհետանալ շաբաթներ կամ ամիսներ շարունակ, ուստի զգոն եղեք», – նշել են հիմնադրամի ներկայացուցիչները՝ հավելելով, որ մեզի մեջ արյան հետքերի առկայությունը կարող է պայմանավորված լինել նաև երիկամներում քարերի առաջացմամբ, սակայն անկախ այս ախտանշանի պատճառից այն ոչ մի դեպքում չի կարելի անտեսել։

Մեզի մեջ արյան առկայությունը, սակայն, այս վտանգավոր հիվանդության մասին հուշող միակ ախտանշանը չէ, ուստի հարկավոր է ուշադրություն դարձնել նաև դրա մյուս դրսևորումներին։ Օրինակ՝ միզապարկի քաղցկեղի մասին կարող են հուշել նաև ցավոտ միզարձակությունը կամ մեզի հոսքի խանգարումները, ուստի դրանք չի կարելի անտեսել։

Բացի այդ, հարկավոր է ուշադրություն դարձնել նաև միզարձակության հաճախականությանը, քանի որ հաճախամիզությունը նույնպես կարող է բավական վտանգավոր ախտանշան լինել։ Միզապարկի քաղցկեղի մասին նախազգուշացնող ախտանշան կարող է լինել նաև միզելու սաստիկ ցանկությունը, որը կեղծ է լինում և չի ուղեկցվում միզարձակությամբ, ուստի նման խնդրի դեպքում հարկավոր է անպայման դիմել բժշկին։

Նշված ախտանշանները ոչ միշտ են պայմանավորված լինում միզապարկի քաղցկեղով, ուստի խուճապի մատնվելու կարիք չկա, սակայն դրանց առկայությունն այնուամենայնիվ հուշում է անհապաղ մասնագետին դիմելու և բուժզննում անցնելու անհրաժեշտության մասին, քանի որ օրգանիզմում տեղի ունեցող ցանկացած ախտաբանական փոփոխություն միշտ իր պատճառն է ունենում։ Վերոնշյալ ախտանշաններից մեկի կամ մի քանիսի առկայության դեպքում հարկավոր է անպայման խորհրդակցել բժշկի հետ և բուժզննում անցնել խնդրի պատճառը պարզելու և անհրաժեշտության դեպքում բուժումն սկսելու համար։ Հարկ է հիշել, որ ոչ մի դեպքում չի կարելի զբաղվել ինքնաբուժությամբ, քանի որ դա կարող է շատ վտանգավոր լինել և էլ ավելի վատթարացնել հիվանդի վիճակը։ Բացի այդ, միայն փորձառու մասնագետը կկարողանա պարզել խնդրի պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

8 ոչ ակնհայտ բան, որոնք մատնում են, որ դուք փնթի եք
Կենդանակերպի 3 նշաններ, որոնք չեն հագենում սեքսից
Լուրջ հիվանդության մասին վկայող 7 նշան, որոնց կանանց մեծ մասն ուշադրություն չի դարձնում
Այս սովորական մթերքը վնասում է մեր լյարդը. ուշադիր եղեք
4 նշան, որ օրգանիզմին չի բավարարում այս վիտամինը. անուշադրության մի մատնեք
Երեխայի ձեռքը տարօրինակ կերպով բորբոքվեց, ու ոչ ոք չէր հասկանում, թե ինչու. տեսեք՝ բժիշկներն ինչ դուրս բերեցին այնտեղից (Photo)
Չխորտակվող կղանք․ ե՞րբ դա կարող է տագնապալի ախտանշան լինել
10 ֆիլմ, որոնցում դերասաններն իրականում սիրել են միմյանց (Photo)
Ինչի՞ց է առաջանում քաղցկեղն ու ինչու է անհնար հաղթել նրան. Նոբելյան մրցանակակիր

Latest

ԹԵՍՏ․ Դուք ունեք 10 վայրկյան նկարում առկա կոպիտ սխալը գտնելու համար
Ինչպես լինել կատարյալ. 15 կետ, որոնք կփոխեն քո կյանքը
Այս թեստը անցնում են միայն նրանք, ում IQ-ն մեծ է 130-ից
Կանանց տիպեր, ումից խուսափում են տղամարդիկ
Մեկ օրով հրաժարվեք ուտելիքից
Օրվա մեջ կերեք 2-3 կիվի. մեկ ամիս անց արդյունքն ակնհայտ կլինի
«Կեղծ» հղիություն. Երբ մեծանում է փորը, կա սրտխառնոց, բայց դուք հղի չեք
Գլուխկոտրուկ․ Քանի՞ առյուծ կարող եք հաշվել այս նկարում
Կանանց երկար ու կարճ ճանապարհը դեպի անկողին՝ ըստ Կենդանակերպի նշանների