Բրյուս Լին ոչ միայն մարտարվեստների վարպետ էր, այլեւ հիանալի մտածող. իզուր չէ, որ նա ավարտել է Սիեթլում Վաշինգթոնի համալսարանի փիլիսոփայության ֆակուլտետը։

Այսօր zNews-ը ներկայացնում է վարպետի մտքերից մի քանիսը, որոնք միգուցե օգտակար կլինեն ձեզ համար։

Արեւելքի մարդիկ ասում են. «Ավելի ճկուն եղեք։ Կյանքում մարդ շատ նուրբ ու ճկուն է, իսկ մահը նրան ամուր ու կոպիտ է դարձնում։ Սա վերաբերում է եւ մարմնին, եւ մտքին, եւ հոգուն»։

Շարժվիր ջրի նման, խաղաղվիր հայելու պես, պատասխանիր արձագանքի նման։

Փողն իմաստ չունի։ Այն պարզապես նպատակներին հասնելու միջոց է։ Եվ պետք է հասկանալ, թե ինչ կարող է անել փողը, սակայն առավել կարեւոր է գիտակցել, թե ինչ չի կարող անել փողը։

Եթե չես ցանկանում վաղը սայթաքել, ուրեմն այսօր անկեղծ ու ճշմարիտ խոսիր։

Արեւմտյան կրթությունը անհարժեշտ է մի բանի, իսկ արեւելյանը՝ մեկ ուրիշի համար։ Կարող ենք ասել. «Մի մատով կարելի է մի բան անել, մյուսով՝ մեկ ուրիշը։ Սակայն ցանկացած դեպքում ամբողջ ձեռքը գերադասելի է»։

Իմաստունը ավելի մեծ գիտելիք է ստանում խորիմաստ հարցից, քան հիմարը՝ իմաստուն պատասխանից։

Ամերիկացին ասես կաղին լինի։ Այն հաստատուն կանգնած է հողի վրա, քամուց չի երերում, սակայն եթե շատ ուժեղ քամու դեպքում այն արմատախիլ է լինում։ Իսկ Արեւելքի մարդիկ նման են հնդկեղեգի (бамбук). այն կորանում է քամուց, սակայն հետո ուղղվում եւ ավելի ամուր ու ճկուն է դառնում։

Կորեական մի հեքիաթ կա։ Լինում է չի լինում մի մսագործ, ում դանակը տարեց տարի ավելի սրանում է։ Երբ հարցում են, թե ինչպես է նրան հաջողվում շեղբն այդքան սուր պահել, նա պատասխանում է. «Ես հետեեւում եմ ոսկորների գծերին։ Ես չեմ փորձում կտրել, ջարդել ոսկորը կամ անել ամեն ինչ, որ մի կերպ ազատվեմ այդ գործից։ Այսպես ես միայն կբթացնեմ դանակը»։ Կյանքում պետք է քայլել խոչընդոտների երկայնքով։ Եթե փորձեք ընկճել եւ ճնշել դրանք, ապա գործն ավելի դժվար ընթացք կունենա։

Կասեմ այսպես. Արեւելյան բոլոր մենամարտերի 99 տոկոսը հիմարություն է։ Ամեն ինչ շատ գեղեցիկ տեսք ունի, սակայն ընդհանրապես չի գործում։ Եթե 45 կգ. քաշ ունեցող աղջկա վրա հարձակվում են, ապա նա կարող է ընդամենը երեք կետերին հարվածել՝ ակնագունդ, աճուկ կամ սրունք։ Իսկ այս ամենից հետո պետք է փախչել։

Եթե սիրում ես կյանքը, ուրեմն ժամանակդ մի վատնիր, քանի որ կյանքը ժամանակից է կազմված։

Թքած հանգամանքների վրա, հնարավորություններ ստեղծիր։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ