Ամերիկացի գիտնականների անցկացրած ուսումնասիրությունը ցույց է տվել, որ վիտամին D-ի հավելումները կարող են օգնել բուժել էրեկտիլ դիսֆունկցիան:
Մասնագետների խոսքով՝ այս ակտիվ նյութի ընդունումն ավելի անվտանգ է, քան թիրախային դեղորայքի ընդունումը:
Գիտնականների հետազոտության արդյունքները հրապարակվել են Atherosclerosis ամսագրում: Դրա շրջանակներում մասնագետներն ուսումնասիրել են էրեկտիլ դիսֆունկցիայով տառապող 3400 տղամարդու բժշկական տվյալները՝ պարզելու համար, թե կապված է արդյոք վիտամին D-ի մակարդակը նրանց առողջական վիճակի հետ: Երեք տարի տևած ուսումնասիրություններից հետո պարզվել է, որ այս տարրի դեֆիցիտը լուրջ ազդեցություն է ունենում էրեկտիլ դիսֆունկցիայի դեպքերի թվի վրա և 57 տոկոսով բարձրացնում է խնդրի զարգացման հավանականությունը:
Միևնույն ժամանակ մեկ տարի վիտամին D-ի հավելումների ընդունումը զգալիորեն մեղմում է էրեկտիլ դիսֆունկցիայի ախտանշանները 35-65 տարեկան տղամարդկանց մոտ, ինչպես նաև բարձրացնում է տեստոստերոնի մակարդակը գրեթե 25 տոկոսով և նվազեցնում էստրադիոլի մակարդակը գրեթե 20 տոկոսով:
Տեստոստերոնը տղամարդկանց սեռական հորմոնն է, որը նպաստում է էրեկցիային, մինչդեռ էստրադիոլը կանանց օրգանիզմին բնորոշ հորմոն է, որը ճնշում է տեստոստերոնի ազդեցությունը: Վիտամին D-ի նման ազդեցությունը նշանակում է, որ այն կարող է դրական ազդեցություն ունենալ էրեկտիլ դիսֆունկցիայով տառապող տղամարդկանց առողջության վրա՝ ավելացնելով էրեկցիաների թիվը: Բացի այդ, այս վիտամինային հավելումի ընդունումը չի առաջացնում այնպիսի կողմնակի բարդություններ, ինչպիսին առաջացնում են դեղամիջոցները, ուստի այն շատ ավելի անվնաս է:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ