Համեղ մթերքը ոչ միշտ է օգտակար։
Բացառություններից մեկը նուշն է, որը բազմաթիվ վիտամիններ և այլ էլեմենտներ է պարունակում, որոնք հարկավոր են մեր առողջության ու գեղեցկության համար։
Ինչ տեղի կունենա օրգանիզմի հետ, եթե ամեն օր 4 նուշ ուտեք։
Խոլեստերինի մակարդակի նվազում։ Նուշն այն 5 մթերքների շարքին է պատկանում, որոնք իջեցնում են «վատ» խոլեստերինի մակարդակը։
Մազերի առողջություն։ Նուշը պարունակում է գրեթե բոլոր հանքանյութերն ու վիտամինները, որոնք հարկավոր են մազերի աճի, դրանց առողջության ու գեղեցկության համար։ Մագնեզիումն ու ցինկը խթանում են մազերի աճը, իսկ B խմբի վիտամինները մազերին ամրություն ու փայլ են հաղորդում։
Սրտի հիվանդությունների պրոֆիլակտիկա։ Հակաօքսիդանտները, հագեցած ճարպերը, մագնեզիումը, ցինկը մեծապես նպաստում են սրտի և արյունատար համակարգի առողջությանը։ Սրտի իշեմիկ հիվանդության և սրտային այլ խանգարումների կանխարգելման նպատակով հարկավոր է նուշը կեղևով օգտագործել։
Կնճիռների կանխարգելում։ Նուշը մեծ քանակով մանգան է պարունակում, որը մասնակցում է կոլագենի արտադրությանը՝ սպիտակուց, որը պատասխանատու է մաշկի տոնուսի և ձգվածության համար։ Ծերացման դեմ պայքարում օգտակար է նաև վիտամին E-ն։
Առողջ միկրոֆլորա։ Նշի կեղևը բիոտիկներ է պարունակում՝ էլեմենտներ, որոնք հարկավոր են աղիների օգտակար բակտերիաների աճի և զարգացման համար։
Քաշի նվազում։ Ըստ որոշ մասնագետների՝ մարդիկ, ովքեր նուշ են օգտագործում, ավելի քիչ ածխաջրեր են օգտագործում։ Քաշի նվազմանը նպաստում է նաև նյութափոխանակության կարգավորումը, ինչն ապահովում են վիտամիններն ու մանրաթելերը, որոնք պարունակում է այս ընկույզը։
Ուղեղի աշխատանքի լավացում։ Նշի պարբերական օգտագործումը լավացնում է հիշողությունը։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
