Մասնագետները ներկայացրել են անվտանգ թվացող ախտանշան, որը կարող է հուշել քաղցկեղի մասին

Like on FB:

Քաղցկեղը ներկայում ամենատարածված ու վտանգավոր հիվանդություններից մեկն է, որը տարեկան հազարավոր մարդկանց մահվան պատճառ է դառնում։

Սա դասվում է այն հիվանդությունների շարքին, որոնց վաղ ախտորոշումը բարձրացնում է բարեհաջող բուժման հավանականությունը, մինչդեռ շատ հաճախ մարդիկ չեն նկատում հիվանդության մասին նախազգուշացնող ախտանշանները, ինչի հետևանքով էլ այն չափազանց ուշ է հայտնաբերվում։

Այս հիվանդությունը ժամանակին ախտորոշելու և բարեհաջող բուժելու համար հարկավոր է տարբերել դրա վաղ փուլերի մասին հուշող ախտանշաններն ու դրանց առկայության դեպքում անհապաղ դիմել բժշկին, սակայն խնդիրն այն է, որ այս հիվանդության զարգացման վաղ փուլերում ի հայտ եկող ախտանշաններն առաջին հայացքից կարող են անկարևոր թվալ, ինչի պատճառով շատերը դրանք պարզապես անուշադրության են մատնում։

ԱՄՆ-ի Մայո կլինիկայի մասնագետները ներկայացրել են նման «անվտանգ» թվացող ախտանշաններից մեկը, որը կարող է հուշել քաղցկեղի մասին։ Ինչպես գրում է բրիտանական Express պարբերականը, խոսքը քորով ուղեկցվող մաշկային ցանի մասին է, որը չի կարելի անտեսել։

Բժիշկների խոսքով՝ դեմքին կամ կոպերին ի հայտ եկած ցավոտ ցանը, որն ունի մանուշակագույն երանգ, հուշում է դերմատոմիոզիտ կոչվող հիվանդության մասին, որն էլ իր հերթին կարող է նախազգուշացնել վտանգավոր օնկոլոգիական հիվանդության զարգացման մասին։

«Մեծահասակների մոտ դերմատոմիոզիտը կապված է լինում քաղցկեղի, հատկապես՝ արգանդի վզիկի քաղցկեղի, թոքերի քաղցկեղի, ենթաստամոքսային գեղձի քաղցկեղի, կրծքագեղձի քաղցկեղի, ձվարանների քաղցկեղի և աղեստամոքսային տրակտի քաղցկեղի զարգացման բարձր հավանականության հետ։ Դերմատոմիոզիտն արտասովոր բորբոքային հիվանդություն է, որը բնորոշվում է մաշկային ցանով ու մկանային թուլությամբ», – նշել են Մայո կլինիկայի մասնագետները։

Ցանից բացի հիվանդների մոտ կարող է նկատվել նաև սաստկացող մկանային թուլություն ազդրերի, ուսերի ու թևերի հատվածում, ինչպես նաև մեջքի ցավեր ու փորկապությունը։ Վերոնշյալ ախտանշանների առկայության դեպքում բժիշկները խորհուրդ են տալիս անպայման դիմել թերապևտնին ու բուժզննում անցնել դրանց պատճառը պարզելու համար։

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

8 ոչ ակնհայտ բան, որոնք մատնում են, որ դուք փնթի եք
Կենդանակերպի 3 նշաններ, որոնք չեն հագենում սեքսից
Լուրջ հիվանդության մասին վկայող 7 նշան, որոնց կանանց մեծ մասն ուշադրություն չի դարձնում
Այս սովորական մթերքը վնասում է մեր լյարդը. ուշադիր եղեք
10 ֆիլմ, որոնցում դերասաններն իրականում սիրել են միմյանց (Photo)
Երեխայի ձեռքը տարօրինակ կերպով բորբոքվեց, ու ոչ ոք չէր հասկանում, թե ինչու. տեսեք՝ բժիշկներն ինչ դուրս բերեցին այնտեղից (Photo)
Ինչի՞ց է առաջանում քաղցկեղն ու ինչու է անհնար հաղթել նրան. Նոբելյան մրցանակակիր
16 բան, որ դու պարբերաբար պետք է անես քո ամուսնու համար
Չխորտակվող կղանք․ ե՞րբ դա կարող է տագնապալի ախտանշան լինել

Latest

15 բան, որ միշտ անում են ուժեղ կանայք, բայց երբեք չեն ասում այդ մասին
Որքա՞ն հաճախ է պետք փոխել բարձը
ԹԵՍՏ. «Մտքի մարզում»
«Խելացի կինը շաքար է ավելացնում այն ամենի մեջ, ինչ ասում է տղամարդուն և հեռացնում աղը այն ամենից, ինչ տղամարդն է ասում իրեն». Արաբական իմաստություններ` բարոյականության ոսկե կանոններ
5 պատճառ, ըստ որոնց կինը կորցնում է տղամարդու նկատմամբ հարգանքը
Հոլանդական դիետա. մինուս 4 կգ` 7 օրում
Թեստ ամենագետների համար
Որոնք են իմաստուն և խելացի կանանց տարբերությունները
Առավոտյան ո՞ր ախտանիշներն են վկայում լյարդի խնդիրների մասին