Քաղցկեղի ամերիկյան կենտրոնի կանխատեսմամբ, 2014թ.-ի ընթացքում տվյալ հիվանդության 1 665 540 նոր դեպքեր են ախտորոշվելու:
Չնայած Միացյալ Նահանգներում քաղցկեղը երկրորդ մահացու հիվանդությունն է համարվում, տարեց տարի բուժվողների թիվը եւս աճում է:
Այստեղ հաջողության բանալին վաղ ախտորոշման եւ բուժման մեջ է կայանում:
Սակայն քաղցկեղի առաջացման ազդանշանները թույլ են եւ այլ հիվանդությունների հետ շփոթելու տեղիք են տալիս, տեղեկացնում է NewsMax Healty-ը:
Այդուհանդերձ, տեսնենք, թե որոնք են դրանք.
• Այրոց. Քրոնիկ բնույթ կրող այրոցը, թեթեւ սրտխառնոցի եւ փքվածության հետ մասին, կարող է ստամոքսի քաղցկեղի վաղ նախանշան լինել: Անտացիդների ազդեցությամբ թեթեւություն զգալով, կմտածեք, թե պարզապես ստամոքսաթթվի ավելցուկ ունեք: Բայց եթե նախանշանները շարունակական բնույթ ունեն եւ նույնիսկ նորմայից քիչ սնվելու դեպքում այնպիսի զգացողություն են առաջացնում` կարծես ստամոքսը բերնիբերան լցվել է, խորհուրդ ենք տալիս անմիջապես բժշկի օգնությանը դիմել: Գաստրոէզոֆագեալ ռեֆլյուքսով (այրոցք) տառապող հիվանդներն այս պարագայում առավել խոցելի են համարվում, քանի որ Բարեթի կերակրափողային հիվանդություն կարող են ձեռք բերել, ինչը կոկորդի քաղցկեղի լուրջ սպառնալիք է պարունակում:
• Գրիպին հատուկ ախտանշաններ. Լիմֆային հանգույցների քաղցկեղի` լիմֆոմայի վաղ նախանշաները հաճախ գրիպի ախտանշանների հետ են շփոթում:
• Խռպոտություն. Վերին շնչառական ուղիների վարակից կամ ալերգիայից հետո` երկու շաբաթից ավել պահպանվող խռպոտությունը նկատելու դեպքում, հատկապես եթե այն գնալով ուժեղանում է, հարկ է անմիջապես բժշկի օգնությանը դիմել: Լարինգիտը կարող է կոկորդի, թոքերի եւ կամ նույնիսկ վահանագեղձի քաղցկեղի արդյունք լինել:
• Բազկի կամ ուսի ցավ. շարունակական լինելու դեպքում սա եւս կարող է թոքերի քաղցկեղի նախանշան լինել, քանի որ ընդլայնված լիմֆային հանգույցները նյարդերը ճնշելու հատկություն ունեն: Այս նախանշանը կարող է անգամ անբավարար շնչառությանը նախորդել:
• Փքվածություն. Կանանց մոտ անբացատրելի փքվածությունը լուրջ սպառնալիքներով է հղի. այն կարող է ձվարանի քաղցկեղի նախանշան լինել:
• Դժվարամիզություն. Տղամարդկանց մոտ դժվարամիզությունը երբեմն շագանակագեղձի ուռուցքի առկայությամբ է պայմանավորվում:
• Հոգնածություն. Սա քաղցկեղի մի քանի տեսակների հետեւանքը կարող է լինել: Քաղցկեղի ամերիկյան կենտրոնի տվյալներով, ուժասպառությունն առավել հաճախ լեյկոզի ռիսկ է պարունակում:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ