zNews-ը ներկայացնում է խնամքի 10 հնարք, որոնք կօգնեն միշտ գեղեցիկ և երիտասարդ տեսք ունենալ:
1. Այտուցը դեմքից վերացնել կօգնի աղի լուծույթը
Պատրաստիր պինդ աղի լուծույթ՝ 3 թեյի գդալ աղը լուծելով 100 գ ջրի մեջ: Լուծույթի մեջ մաքուր բամբակյա-թղթե սրբիչ թրջիր և դիր դեմքիդ, թող 10 րոպե:
2. Փարթամ շուրթերի տեսք ստանալ կարելի է սովորական բալզամի միջոցով
Պետք է կոսմետիկ միջոցը քսել շուրթերին և 1 րոպե մերսել ատամի խոզանակով:
3. Մաշկը մաքրել և խոնավացնել կօգնի ձիթապտղի յուղը
Անհրաժեշտ է նախապես դեմքի մաշկը պահել գոլորշու վրա, հետո 7 րոպե ձիթապտղի յուղ քսել մատների թեթև շարժումներով, թփթփացնելով:
4. Մաշկի բորբոքումից ազատվել կօգնի մեղրը
Մաշկի վրա առաջացած բշտիկը կամ կարմրությունը վերացնելու համար պետք է այդ մասի վրա մեկ կաթիլ մեղր քսել և թողնել 15 րոպե:
15 րոպե անց պետք է մեղրը լվանալ ջրով:
5. Աչքի կաթիլները հրաշալի միջոց են մաշկի բորբոքումների դեմ
Պետք է մի քիչ աչքի կաթիլներ լցնել բամբակի վրա և 3-5 րոպեով դնել սառնախցիկում, հանելուց հետո դնել բորբոքված մասի վրա:
6. Դիմահարդարումը մաքրող միջոց կարելի է ինքնուրույն պատրաստել
Պետք է ձիթապտղի ձեթ և ջուր խառնել իրար 1 : 3 համամասնությամբ, լցնել փոքր շշի մեջ: Օգտագործելուց առաջ շիշը լավ թափահարել:
7. Սոդան ներաճած մազերի դեմ լավագույն միջոցն է
Անհրաժեշտ է խիտ մածուկ պատրաստել սոդայով և ոչ շատ ջրով:
Այն պետք է քսել լոգանքից հետո՝ շրջանաձև շարժումներով մերսելով: Այդ պրոցեդուրայից 2 օր անց՝ ոչ շուտ, կարելի է մազահանում անել:
8.Սոդան աչքերի տակի փոսիկներից ազատվելու հրաշալի միջոց է
Պատրաստիր լուծույթ 1 բաժակ տաք ջրով կամ թեյով և 1 թ. գ. սոդայով: Բամբակը թրջիր լուծույթի մեջ և դիր աչքերի տակ, թող 10-15 րոպե, հետո լվա ջրով: Պրոցեդուրայից հետո խոնավեցնող քսուք քսիր աչքերիդ շուրջը:
9. Բանանով դիմակը կօգնի վերադարձնել մազերի փայլն ու գեղեցկությունը
Անհրաժեշտ է մինչև համասեռ զանգված դառնալը խառնել բանանը, ձու, 1 ճ գ. մեղր և 100 գ գարեջուր: Դիմակը քսել խոնավ, մաքուր մազերին և թողնել 30 րոպե: Մազերը լվալ տաք ջրով: Այդպիսի դիմակ լավ կլինի քսել 7 օրը մեկ:
10. Լավանդայի և կոկոսի յուղերը կօգնեն խիտ թարթիչներ աճեցնել
Երեկոյան կես թեյի գդալ կոկոսի յուղը խառնիր 2-3 կաթիլ լավանդայի եթերային յուղին: Բամբակի միջոցով խառնուրդը քսիր թարթիչներին և թող ամբողջ գիշեր: Պրոցեդուրան կրկնիր շաբաթական 2-3 անգամ:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ