Գեղեցիկ կազմվածք ունենալու համար պարտադիր չէ սպորտով զբաղվել կամ մարզասրահ այցելել:

Կարելի է մարզվել նաև տնային պայմաններում և հիանալի արդյունքի հասնել:

Այս վարժությունները թույլ են տալիս ոչ միայն արագ այրել ճարպերն ու նիհարել, այլև բարելավել ու արագացնել նյութափոխանակությունը:

Վարժություններ նիհարելու համար

Թրթուր

Ուղիղ կանգնել, ոտքերը դնել ուսերի լայնությամբ, կռանալ առաջ և ձեռքերով հասնել հատակին՝ ոտքերն այդ ընթացքում ուղիղ պահելով: Ձեռքերով առաջ «քայլել» այնքան, մինչև ստացվի հրում վարժության դիրքը, այնուհետև նույն կերպ վերադառնալ սկզբնական դիրք: Կրկնել վարժությունը 5 անգամ և հետևել, որպեսզի մեջքը մնա ուղիղ, իսկ որովայնը՝ ձիգ:

Ցատկ

Ոտքերը կիսով չափ ծալել և փորձել հնարավորինս բարձր ցատկել: Այդ ընթացքում ծնկները հարկավոր է ձգել կրծքին մոտ, իսկ ձեռքերը՝ առաջ: Ցատկը հարկավոր է սկսել սկզբնական դիրքից և ավարտել նույն դիրքով: Կատարել 7-10 ցատկ:

Լեռնագնաց

Ծնկի գալ և հենվել ուղիղ ձեռքերի վրա: Ձախ ծունկը մոտեցնել կրծքին, իսկ աջ ոտքն ուղղել: Փոխել ոտքը ոչ շատ բարձր ցատկի ժամանակ: Կրկնել վարժությունը 15 անգամ:

Ձողիկ շարժման ընթացքում

Ընդունել հրման դիրք և ձեռքերով դանդաղ առաջ շարժվել՝ ոտքերն ու մարմինը պահելով անշարժ: Ձգվել հնարավորինս առաջ և հետ նույն կերպ վերադառնալ: Կրկնել վարժությունը 7 անգամ:

Ցատկ հրումով

Հարկավոր է ցածր կքանստել, կտրուկ ցատկել ու 1 հրում անել, այնուհետև կրկին ցատկել ու վերադառնալ նախնական դիրք: Կրկնել վարժությունը 5 անգամ:

Ռևերանս

Կքանստելիս հարկավոր է մեկ ոտքը դնել մյուսի ետևը, տանել հնարավորինս հեռու և կքանստել: Վարժությունը կատարելիս մեջքը պետք է ուղիղ լինի: Կրկնել վարժությունը 10 անգամ:

Հենված կքանիստ

Ձեռքերով հենվել ետևում դրված աթոռին, իսկ ոտքերը դնել ուսերի լայնությամբ և կքանստել: Ծնկները չպետք է ուղղված լինեն դեպի ներս, այլ միայն դեպի դուրս: Կրկնել վարժությունը 15 անգամ:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ