Ալկոհոլի ու գազի համադրությունն օրգանիզմի համար ոգելից խմիչքի ամենավտանգավոր տարբերակն է։
Այս մասին LADBible պարբերականի հետ զրույցում ասել է բրիտանացի բժիշկ Սիմրան Դիոն՝ անդրադառնալով ամենավտանգավոր ալկոհոլային ըմպելիքներին։
Մասնագետի խոսքով՝ առողջության համար առաջին հերթին կործանարար են համարվում արագ յուրացվող ոգելից խմիչքները, որոնք նպաստում են օրգանիզմում ալկոհոլի տարրալուծման հետևանքով առաջացող տոքսիկ նյութերի կուտակմանը։
Նման վնասակար ըմպելիքների շարքին են դասվում փրփրուն գինիներն ու ջին տոնիկը։
«Գազավորված ըմպելիքներն ու կոկտեյլները կարող է ամենաարագ ազդեցությունն ունենալ ու լուրջ հարբածություն առաջացնել, քանի որ դրանցում պարունակվում է գազ, որը բարձրացնում է ստամոքսի վրա գործադրվող ճնշումը», – բացատրել է բժիշկը։
Առողջության համար առավել վտանգավոր ալկոհոլային ըմպելիքների շարքին են դասվում նաև թունդ ալկոհոլային ըմպելիքները, ուստի դրանցից հարկավոր է խուսափել։
Բացի այդ, մասնագետը նաև խորհուրդ չի տալիս մի օրվա ընթացքու տարբեր ալկոհոլային ըմպելիքներ խմել, քանի որ տարբեր թնդության ըմպելիքներ օգտագործելու դեպքում մարդը կարող է հեշտությամբ կորցնել վերահսկողությունն ու նորմայից շատ ալկոհոլ օգտագործել։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ