Սիրա Քանթեն, ում այսօր ներկայացնում է zNews-ը, ծնվել է Նյու-Յորքում, սակայն նրա ծնողները Գվինեայից փախստականներ էին: Աղջիկը մանկուց աչքի էր ընկնում իր ինքնատիպությամբ և հազվագյուտ գեղեցկությամբ: Սակայն ընտանիքը աղքատ էր, նրանք մի կերպ էին ծայրը ծայրին հասցնում: Ընդամենը 14 տարեկանում Սիրան արդեն սկսեց աշխատել: Սակայն նա երազում էր մոդելային կարիերայի մասին, միայն թե ծանոթություններ և կապեր չուներ:
Սակայն բախտը ժպտաց նրան: Աղջկան հրավիրեցին ռեփեր Դավիդոյի հոլովակի նկարահանմանը: Սիրայի վառ արտաքինն աննկատ չմնաց:
Նա անգամ սկսեց հանդիպել ռեփերի հետ, սակայն նրանց մոտ ոչինչ չստացվեց, նա չամուսնացավ աղջկա հետ և ոչ էլ կարիերայի հարցում օգնեց: Միայն թե, քանի դեռ Սիրան նրա ընկերուհին էր, հասցրեց լինել նորաձևության տարբեր հավաքների, բազմաթիվ ծանոթություններ ձեռք բերեց:
Հենց այդպես նրան նկատեցին նորաձևության գործակալությունները: Աղջիկը պահանջված մոդել դարձավ: Սիրան հայտնվում է նորաձևության ամսագրերի շապիկներին, նրա հետ ամենահայտնի դիզայներներն են համագործակցում:
Բացի այդ, աղջիկն ակտիվորեն զբաղվում է բարեգործությամբ: Նա օգնում է երեխաներին և փորձում է հասարակության ուշադրությունը հրավիրել աֆրիկյան երկրների խնդիրների վրա:
Իր արտաքինի մասին Սիրան ասում է. «Երբ դուք լիովին ընդունում եք ձեզ այնպիսին, ինչպիսին կաք, և հասկանում եք, որ չեք կարող լինել ուրիշ ոչ ոք, բացի ինքներդ ձեզանից, կյանքն ավելի է հեշտանում»:
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին