Անձը արագ ախտորոշող «Կակտուս» թեստն ի սկզբանե մշակվել է հոգեբան Մ.Ն. Պանֆիլովայի կողմից նախադպրոցական տարիքի երեխաների համար: Սակայն այս մեթոդը շատ հարմար է նաև մեծահասակների հետ աշխատելիս:
zNews-ը այսօր կծանոթացնի ձեզ այս հետաքրքիր թեստի հետ:
Խնդրեք ձեր տան անդամներին կակտուս նկարել և շատ բան կպարզեք նրանց մասին:
Ձեզ անհրաժեշտ է.
- A4 ֆորմատի սպիտակ թուղթ
- Միջին կարծրության հասարակ մատիտ
Ցանկության դեպքում կարող եք նաև գունավոր մատիտներ օգտագործել:
Թեստի ուղեցույց.
Թեստը սկսելուց առաջ պետք է միայն ասել. «Այս թղթի վրա կակտուս նկարիր, ինչպես որ դու այն պատկերացնում ես»:
Լրացուցիչ հարցեր
Երբ նկարը պատրաստ կլինի, մի քանի հարց տվեք թեստն անցնողին, որոնք կօգնեն մեկնաբանել նկարը:
1. Այս կակտուսը վայրի՞ է թե տնային:
2. Որտե՞ղ է այն աճում:
3. Այն կարելի՞ է ձեռք տալ, թե շատ կծակի:
4. Ինչ-որ մեկն այն խնամու՞մ է:
5. Իսկ նրան դու՞ր է գալիս, երբ իրեն խնամում են:
6. Այս կակտուսը միայնակ է աճում, թե հարևաններ ունի:
7. Այս բույսն ինչպես կփոխվի ժամանակի ընթացքում:
Պարզելով այս ամենը՝ կարելի է անցնել նկարի մեկնաբանությանը:
1. Ագրեսիվություն– փշերի առկայությունը: Հատկապես եթե դրանք շատ են, երկար և իրարից շատ մոտ:
2. Իմպուլսիվություն – նկարի ընդհատվող գծեր և մատիտի ուժեղ սեղմում:
3. Եսակենտրոնություն – շատ խոշոր կակտուս՝ տեղակայված էջի կենտրոնում:
4. Անվստահություն – ներքևում պատկերված փոքրիկ բույս:
5. Ցուցադրողականություն – դուրս եկած ելուստների առկայություն, կակտուսի անսովոր ձև:
6. Զգուշավորություն – «զիգզագներ» կակտուսի մեջ կամ ուրվագծերին:
7. Լավատեսություն – «երջանիկ» բույսի պատկեր, գունավոր մատիտների դեպքում՝ վառ գույներով նկարված
8. Տագնապի զգացողություն – ընդգծված ներքին շտրիխներ, ընդհատվող գծեր, մուգ գույների օգտագործում (գունավոր մատիտների դեպքում)
9. Կանացիություն – նուրբ գծեր, կլորավունություն, զարդարանքներ, ծաղիկներ, արտասովոր գունավորում:
10. Ինտրովերտություն – նկարում միայն մեկ կակտուս է պատկերված:
11. Էքստրավերտություն – նկարում այլ շաղիկների առկայություն:
12. Ընտանեկան պաշտպանության կարիք – կակտուսը ծաղկամանի մեջ:
13. Միայնակության զգացողություն – անապատում աճող վայրի կակտուսի պատկերում: Սակայն եթե «վայրի» կակտուսի կողքին նաև այլ բույսեր են աճում, նշանակում է անձը ազատության և ինքնուրույնության է ձգտում:
14. Ինքնագնահատական – ադեկվատ վերաբերմունքի դեպքում կակտուսը մոտավորապես մեջտեղում է պատկերված, եթե ինքնագնահատականը շատ բարձր է՝ թղթի վերևում
15. Հաղորդակցվելու ունակություն – կակտուսի ելուստները դուրս են գալիս հիմնական «ցողունի» սահմաններից:
16. Ինքնամփոփություն – բույսի “ձագերը” գտնվում են ներսում, դուրս չգալով ուրվագծերից:
17. Առաջնորդություն – կակտուսը գրավում է թղթի 2/3-ը:
18. Թաքնված բարդույթներ – նկարը գրավում է թղթի 1/3-ը:
19. Վճռականություն – պարզ, լավ արտահայտված նկար:
20. Ցածր տոնուս, հոգնածություն – թույլ գծեր:
Գունային գամմայի մեկնաբանությունը
Գունավոր մատիտներով արված նկարը կարող է պատմել մարդու ընթացիկ վիճակի և տրամադրության մասին: Ինչ գույնի է կակտուսը.
Կանաչ – վստահություն
Դեղին – հասարակության կողմից մերժված լինելու վախ
Կապույտ – հարմարավետության զգացողություն
Կարմիր – հուզական գրգռվածություն
Մոխրագույն – չեզոք դիրք
Սև – հակասականության զգացողություն կամ երեսառածություն
Սպիտակ – որոշ դեպքերում խոսում է տեսողական խնդիրների մասին:
Մուգ գույների գերակշռումը մանր ստվերագծերով կարող է վկայել բացասական հույզերի մասին: Եթե դրա հետ մեկտեղ կակտուսը դեպի ներքև է կռացած, այս նկարը կարող է խոսել դեպրեսիայի զարգացման մասին:
Դրական և բաց մարդը ուրախ, լուսավոր և ամուր կակտուս է նկարում, որը ձգվում է դեպի արևը և աճում է այլ ծաղիկների շրջապատում:
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին