Ուրցը(Чабрец) եզակի խոտաբույս է, որը մարդու կողմից օգտագործվում է անհիշելի ժամանակներից:

Այն շատ արժեքավոր է իր անկրկնելի բույրի ու ուժեղագույն բուժիչ հակաբակտերիալ, վերքամոքիչ, ցավազրկող, խորխաբեր ու մի շարք այլ հատկությունենր:

Ինչպես նաև այն կարգավորում է նյութափոխանակությունը:

Ուրցով թեյ

Ուրցով թեյի օգտակարությունը բավականին մեծ է, այն հանդիսանում է վիտամինների, եթերայուղերի, դաբաղանյութերի ու թթուների իսկական աղբյուր:

Անքննության դեպքում խորհուրդ է տրվում օգտագործել ուրցի չորացրած ծաղիկներով թեյ:

Այդ թեյը օգնում է ազատվել նաև ռևմատիզմի ու արթրիտի ցավերից:

Այս բույսը լայնորեն օգտագործվում է թոքերի տարբեր հիվանդությունների՝ ասթմայի, բրոնխիտի, կապույտ հազի, տրախեիտի ժամանակ:

Ուրցով ըմպելիքներ

1. Բաղադրատոմս 1

1/4 բաժակ ջրի մեջ լցրեք 1 թ/գ չոր ուրց: Հասցրեք այն եռման ջերմաստիճանի ու թողեք թրմվի 10 րոպե: Լցրեք այն բաժակի մեջ, վրան ավելացրեք եռման ջուր, թողեք այդպես 5-7 րոպե ու քամեք:

2. Բաղադրատոմս 2

Թեյամանի մեջ լցրեք 3 թ/գ սև թեյ ու 2 թ/գ չորացրած ուրց, վրան ավելացրեք եռման ջուր ու թողեք թրմվի: Շաքարավազ կամ մեղրը կարող եք ավելացնել ըստ նախասիրության:

3. Բաղադրատոմս 3

Հավասար քանակությամբ իրար խառնեք ուրցը, անանուխն ու խնկածաղիկը(душица): Ստացված խառնուրդից 1 ճ/գ լցրեք թեյամանի մեջ, վրան ավելացրեք եռման ջուր ու թողեք թրմվի: Նման ըմպելիքը արդյունավետ օգնում է նևրոզի, անքնության, տարամադրության անկման ու գերհոգնածության դեպքում:

Բույսի մեջ թիմոլի բարձր պարունակության պատճառով այն հակացուցված է գաստրիտով, վահանագեղձի հիպերֆունկցիայով ու դիաբետով հիվանդներին: Հղիներին ու երեխաներին ուրցով թեյ օգտագործելուց առաջ խորհուրդ է տրվում խորհրդակցել բժշկի հետ՝ չափաքանակը ճշտելու համար:

Այդ ըմպելիքը հարմար է տարվա ցանկացած եղանակին. ամռանը այն զովացնում է, իսկ ձմռանը տաքացնում:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին