Դժվար թե մեր մոլորակի վրա շատ մարդիկ լինեն, ովքեր չեն լսել Մաուգլիի մասին:
Պետք է նշել, որ համաշխարհային պատմության մեջ շատ դեպքեր են եղել, երբ կենդանիները մարդու երեխայի են մեծացրել:
zNews-ը ներկայացնում է լուսանկարիչ Ջուլիա Ֆուլերթոն-Բարթենին, ով Մաուգլիի համախտանիշով երեխաների պատմություններով ոգեշնչված լուսանկարների շարք ստեղծեց:
Իհարկե, լուսանկարներում մոդելներ են պատկերված, բայց յուրաքանչյուր լուսանկարն իրական պատմություն է պատկերում:
Տղա-թռչունը Ռուսաստանից
2008 թ. Վոլգոգրադում հայնաբերեցին տղայի, ով բնակարանում էր ապրում մոր և վանդակներում մի քանի թռչունների հետ: Խնդիրն այն է, որ մայրը որդու հետ վարվում էր հերթական ընտանի կենդանու պես: Նա նույնիսկ խոսել չէր կարողանում, ծլվլոցի նման ձայներ էր արձակում: Իսկ երբ ինչ-որ բան չէր հասկանում ձեռքերն էր թափահարում՝ թևերի պես:
Ամալա և Կամալա, Հնդկաստան
1920 թ. Միդնապորա քաղաքի մոտ գայլերի բնում հայտնաբերեցին մոտ 8 և 2 տարեկան 2 աղջկա: Նրանց անվանեցին Ամալա և Կամալա: Արտաքինն աղջիկներին մնացած միակ մարդկային բանն էր:
Ամալան կարողացավ ապաստանում, ուր նրանց տարել էին, ընդամենը 1 տարի ապրել: Կամալան մահացավ 17 տարեկանում: Այդ պահին նա կարողացել էր հասնել 4-ամյա երեխայի զարգացման մակարդակի:
Սուդիթ Կումար, Ֆիջի
Երեխա ժամանակ ծնողներն այս տղային փակում էին հավաբնում: Ավելի ուշ մայրն ինքնասպան եղավ, հորը սպանեցին: Սուդիթի խնամակալը պապիկը դարձավ, բայց նա էլ հաճախ տղային ընտանի կենդանիների հետ էր թողնում:
Մի անգամ անցորդները նկատեցին 8-ամյա տղային, ով իրեն բավական տարօրինակ էր պահում: Նա ձեռքերով ծեծում էր իրեն՝ կարծես թևերով, քթով գետնին էր հարվածում, կռկռում էր: Սուդիթին ապաստան տարան, բայց այնտեղ նա իրեն բավական ագրեսիվ էր պահում: Նրան պարբերաբար մահճակալին էին կապում: Այդպես անցավ 20 տարի, երբ նրան ոմն Էլիզաբեթ Քլեյթոն վերցրեց իր պատասխանատվության տակ: Հավ-տղայի հետագա ճակատագիրը հայտնի չէ:
Մադինա, Ռուսաստան
Աղջիկը ծնվելուց հետո շների հետ էր ապրել, նրանց հետ կիսում էր սնունդը, խաղում և քնում էր: 2013 թ. նրան գտան սոցաշխատողները: Մադինան մերկ էր, շան պես հաչում էր, չորեքթաթ էր տեղաշարժվում:
Հայրը հեռացել էր ընտանիքից, իսկ մայրը մշտապես ալկոհոլի ազդեցության տակ էր: Ականատեսները նշում էին, որ կինը կարող էր հանգիստ ուտել հարբեցող ընկերների հետ սեղանի շուրջ, մինչ Մադինան նստած էր ոտքերի մոտ և ոսկոր էր կրծում շների հետ:
Գայլերի հետ ապրող աղջիկը, Մեքսիկա
1845 թ. Մեքսիկայում նկատեցին աղջկա, որը գայլերի հետ չորեքթաթ այծերի էր հետապնդում: Մեկ տարի անց նրան նորից գազանների հետ տեսան: Այդ անգամ նրանք այծ էին ուտում: Մի քանի տարի անց աղջկան նկատեցին, երբ նա խաղում էր գայլի ձագերի հետ: Երբ մարդիկ մոտեցան, նա անտառ փախավ, նրան այլևս ոչ ոք չտեսավ:
Օքսանա Մալայա, Ուկրաինա
Այս աղջկա մասին շատ տարբեր շշուկներ են շրջանառվում: Կամ նրան զարգացման խանգարումների և ծնողների անփութության պատճառով մանկատուն տարան, որտեղ նա մտերմացավ թափառող շների հետ և ընտելացավ նրանց կյանքին: Կամ որ նա նախկինում որոշ ժամանակ շների հետ էր ապրել: Ամեն դեպքում, աղջիկն իրեն շան պես էր պահում: Հիմա Օքսանան տուն-ինտերնատում է ապրում, որտեղ ձիերի և կովերի է խնամում:
Ջոն Սեբունիա, Ուգանդա
Տղան 3 տարեկանում տեսավ, թե հայրն ինչպես սպանեց մորը: Դա փոքրիկին այնպես ցնցեց, որ նա ջունգլի փախավ: Համարվում է, որ այնտեղ նրան կապիկներն ապաստան տվեցին: Տարիներ անց նրան մարդիկ գտան: Տղայի մարմինը մազերով ծածկվեց նույնիսկ այն հատվածներում, որտեղ սովորաբար մազեր չեն աճում: Նաև նրան պետք եղավ երկար ժամանակ տարբեր աղիքային մակաբույծներից բուժել:
Ժամանակի ընթացքում Ջոնը գործնականում լրիվ կարողացավ մոռանալ իր կապկային սովորությունները: Ավելին՝ նա հրաշալի վոկալ տվյալներ ունի: Հիմա նա հյուրախաղերով շրջում է աշխարհում «Աֆրիկայի մարգարիտները» համույթի կազմում:
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին