Արյունատար անոթների և առհասարակ սրտանոթային համակարգի առողջության պահպանումը շատ կարևոր է, սակայն գոյություն ունեն բազմաթիվ գործոններ, որոնք կարող են կործանարար լինել անոթների համար։
Նման դեպքերում լուրջ խնդիրների զարգացումից խուսափելու համար հարկավոր է ոչ միայն բացառել այդ գործոնները, այլև հարստացնել սննդակարգն անոթների համար օգտակար մթերքով։
Անոթային համակարգի համար առավել օգտակար են մագնեզիումով և կալցիումով հարուստ սննդամթերքի տեսակները, ուստի մասնագետները խորհուրդ են տալիս անպայման ներառել դրանք սննդակարգում։
Ռուս սննդաբան, պրոֆեսոր Ալեքսանդր Միրոշնիկովի խոսքով՝ նման մթերքի գործածությունը միայն դրական ազդեցություն է ունենում անոթների վիճակի վրա։
Մասնագետի խոսքով՝ անոթների թուլացմանը նպաստող մագնեզիումի լավագույն աղբյուրներից մեկը նուշն է։
Բացի այդ, այս տարրով հարուստ է նաև ծիրանաչիրը, ուստի այն ևս հարկավոր է ներառել սննդակարգում։
«Սննդամթերքի այս տեսակները համադրելու և 4-5 հատ ծիրանաչրի հետ 100 գրամ նուշ ուտելու դեպքում սրտի կծկումների հավանականությունը կնվազի», – նշել է մասնագետը։
Բացի այդ, սրտանոթային համակարգի առողջության ամրապնդմանն են նպաստում նաև E և C վիտամիններով հարուստ մթերքը, որոնք ստանալու համար հարկավոր է հագեցնել սննդակարգը չզտված բուսայուղերով, մրգերով (նարինջ, կիվի և այլն) ու հատապտուղներով։
Անոթների համար շատ կարևոր են նաև օմեգա-3 ճարպաթթուները, որոնք մեծ քանակությամբ պարունակվում են ծովային ձկների մեջ։ Ճարպերի այս տեսակների շնորհիվ անոթային հյուսվածքները պահպանում են իրենց առաձգականությունը, ինչը շատ կարևոր է աթերոսկլերոզի կանխարգելման համար։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
