zNews-ը ներկայացնում է վարժությունների համալիր, որոնք կատարելու համար ձեզնից 5 րոպեից ոչ ավել կպահանջվի:
1. Կքանստումներ
Ոտքերը դրեք ուսերի լայնությամբ կամ քիչ ավելի լայն: Սկսեք կքանստել՝ հետույքը հետ տանելով՝ կարծես ուզում եք աթոռի վրա նստել: Հնարավորինս ցածր կքանստեք, աշխատեք մեջքն ուղիղ պահել: Ելման դիրք վերադարձեք՝ լարելով ոտքերի և հետույքի մկանները:
2. Սեղմումներ
Ընդունեք А դիրքը: Ձեռքերը պետք է լինեն ուսերի լայնությամբ, ուսերը, ծնկները և ոտնաթաթերը՝ մեկ գծի վրա: Դանդաղ իջեք՝ ծալելով ձեռքերը և աշխատելով արմունկները սեղմել մարմնին: Ելման դիրք վերադարձեք: Այս վարժությունը շատ լավ է մարզում կրծքավանդակի մկանները և տրիցեպսը:
3. Վազք պառկած
Կամրացնի փորը և կօգնի կալորիաներ այրել: Ելման դիրքը նույնպիսին է, ինչպիսին սեղմումների դեպքում: Լարեք որովայնը, բարձրացրեք աջ ոտքը և այն դանդաղ ձգեք դեպի կրծքավանդակը: Մեջքը և ազդրերը պետք է ֆիքսված լինեն: Ելման դիրք վերադարձեք և նույնն արեք ձախ ոտքով:
4. Իջեցումներ
Ոտքերը դրեք ուսերի լայնությամբ, ձեռքերը՝ իրանի վրա: Ձախ ոտքով մեծ քայլ արեք առաջ, ծնկահոդում ոտքը պետք է կազմի 90 աստիճանի անկյուն, իսկ աջ ոտքի ծունկը՝ գրեթե դիպչի հատակին: Հետո դիմացի ոտքի հրումով վերադարձեք ելման դիրք և վարժությունը կրկնեք աջ ոտքով: Մեջքը պետք է ուղղահայաց պահել:
5. Ցատկեր
Լավացնում է ֆիզիկական և աերոբիկ դիմացկունությունը: Ելման դիրքում ձեռքերը մարմնի երկայնքով են: Ցատկեք՝ միաժամանակ ոտքերը տարբեր կողմեր տանելով և ձեռքերը գլխավերևում բարձրացնելով: Արագ ցատկով վերադարձեք ելման դիրք և կրկնեք վարժությունը:
Մարզումների ծրագիրը
- Կքանստումներ՝ 60 վայրկյան
- Սեղմումներ՝ 30 վայրկյան
- Վազք պառկած՝ 30 վայրկյան
- Իջեցումներ՝ 60 վայրկյան
- Ցատկեր՝ 45 վայրկյան
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին
