Գիտնականների անցկացրած նոր հետազոտությունը ցույց է տվել, որ գոյություն ունեն որոշակի գործոններ, որոնք թույլ են տալիս կանխատեսել՝ որ տարիքում կարող է սկսվել դաշտանադադարը։ Հետազոտության արդյունքները հրապարակվել են Menopause ամսագրում։
Գիտնականները եկել են այն եզրահանգման, որ օրգանիզմում էստրադիոլ ու ֆոլիկուլախթան հորմոնի բարձր մակարդակները, ինչպես նաև անկանոն դաշտանային ցիկլերն ու դաշտանադադարների ախտանշանների ի հայտ գալը կարող են վառ ապացույց լինել մոտալուտ դաշտանադադարի։
«Չնայած, որ այս հետազոտությունն անցկացվել է քիչ թվով կանանց մասնակցությամբ, այն լրացնում է մեր տվյալներն այն մասին, թե որ գործոններն են կարևոր այն մոդելի մեջ, որը կանխատեսում է կանանց դաշտանադադարի տարիքը», – նշել է հետազոտության հեղինակ, դոկտոր Ստաֆանի Ֆոբիոնը՝ հավելելով, որ այդ տարիքի հստակ կանխատեսումը թույլ կտա ավելի ճիշտ խորհրդատվություն տրամադրել ոչ միայն ինտիմ խնդիրներով, այլև բազմաթիվ այլ խանգարումներով կանանց։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ