zNews-ը ներկայացնում է հավի կծու թևիկներ պատրաստելու հիանալի բաղադրատոմս։

Բաղադրիչներ

1. Հավի թևիկներ – 500 գ

2. Սոյայի սոուս – 50 մլ

3. Սխտոր – 10 պճեղ

4. Չիլի պղպեղ – 1 հատ

5. Կարմիր աղացած քաղցր պղպեղ – 0.5 թ/գ

Պատրաստման եղանակը

1. Սխտորը մաքրել, քերել մանր քերիչով:

2. Չիլի պղպեղն օղակաձև կտրատել:

3. Թասի մեջ խառնել քերած սխտորը, չիլի պղպեղը, աղացած պղպեղը և սոյայի սոուսը:

4. Հավի թևիկները լվանալ և չորացնել:

5. Թևիկները լցնել մարինադի մեջ, լավ խառնել այնպես, որ յուրաքանչյուր թևիկ պատվի մարինադով: Թողնել թևիկները սենյակային ջերմաստիճանում 30-40 րոպե: Այդ ընթացքում խառնել 1-2 անգամ:

6. Դրանից հետո թևիկները շարել տապակի մեջ (մարինադի ավելցուկը պահել): Պատրաստել տաք ջեռոցում մոտ 35-40 րոպե:

7. Ջեռոց դնելուց 20 րոպե անց թևիկները հանել ջեռոցից և մնացած մարինադով նորից պատել դրանք: Այնուհետև դնել ջեռոցը և պատրաստել մինչև խրթխրթան կեղև առաջանալը:

8. Պատրաստի թևիկները մատուցել տաք վիճակում, մեկ գավաթ գարեջրի հետ:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ