Էստրոգենը կնոջ օրգանիզմում արտադրվող կարևոր հորմոն է, որը պատասխանատու է օրգանիզմում մի շարք կարևորագույն գործառույթների համար:

Brainum.ru-ն ներկայացրել է նշաններ, որոնք կարող են վկայել օրգանիզմում այս հորմոնի բարձր մակարդակի մասին:

Քաշի ավելացում: Էստրոգենի  բարձր մակարդակը կարող է հանգեցնել օրգանիզմում հեղուկի կուտակման: Արդյունքում՝ կարող եք ավելորդ քաշ կուտակել, թեև հետևում եք սննդակարգին և ֆիզիկական ակտիվություն ցուցաբերում:

Փքվածություն: Այտուցվածության, փքվածության զգացումը կարող են վկայել այն մասին, որ Էստրոգենի  մակարդակը նորմայից բարձր է:

Անկանոն դաշտանային ցիկլ: Սեռական հորմոնների ինչպես՝ բարձր, այնպես էլ՝ ցածր մակարդակը կարող են հանգեցնել անկանոն դաշտանային ցիկլի:

Ցավ կրծքերում: Սա հիմնականում հորմոնալ անհավասարակշռության հետևանք է:

Սեռական ցանկության նվազում: Սեռական ցանկության նվազումը կարող է վկայել օրգանիզմում հորմոնալ ֆոնի խնդիրների մասին:

Նախադաշտանային համախտանիշ: Էստրոգենի բարձր մակարդակը կարող է դաշտանից առաջ հոգնածության, տրամադրության փոփոխությունների, գլխացավերի, որովայնում ցավերի և այլ ախտանշանների պատճառ դառնալ:

Գլխացավեր: Այս ախտանշանը ևս կարող է առավել զգալի դառնալ դաշտանին նախորդող օրերին: Օրգանիզմում հորմոնալ տատանումներ են լինում, էստրոգենի  մակարդակը բարձրանում է, ինչի հետևանքով կարող են ուժեղ գլխացավեր առաջանալ:

Հոգնածություն: Մշտական հոգնածությունը, էներգիայի ցածր մակարդակը կարող են վկայել էստրոգենի  բարձր մակարդակի մասին:

Արյան բարձր խտություն: Հորմոնալ թերապիան կարող է նկատելիորեն մեծացնել թրոմբների առաջացման հավանականությունը: Թրոմբի դիրքից կախված՝ կարող են նկատվել այտուցվածություն կամ վերջույթների թմրում, շնչառության խնդիրներ և այլն:

Տրամադրության անկումներ: Հորմոնալ փոփոխությունները կարող են էապես ազդել հոգեբանական վիճակի վրա՝ առաջացնելով տրամադրության կտրուկ փոփոխություններ, դեպրեսիա:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ