Փորձագետները բացատրել են տղամարդու դավաճանության պատճառը և նշել մի քանի կետեր, որոնք կօգնեն կասկածյալին «ջրի երես» դուրս բերել։

Մանկուց մեզ բոլորիս սովորեցրել են, որ ուրիշի նամակները կարդալ չի կարելի: Բայց ձեր ընտրյալի SMS-ը ստուգելն արդեն կայացած կարծրատիպ է։ Այո, շատ կանայք դա անում են:

Ուրիշի իրերը քրքրելը, նույնիսկ, եթե դա ձեր ամուսինն է, նույնպես անազնիվ է: Բայց, այնուամենայնիվ, շատ կանայք չեն կարողանում դիմակայել: Դրանից կարելի է խուսափել։

Սեռաբանները պատմել են այն նշանների մասին, որոնք հաճախ բացահայտում են դավաճաններին։ Բայց հաշվի առեք, որ թվարկված կետերը կարող են չլինել դավաճանության 100 տոկոսանոց ցուցանիշ։

Հեռախոսը կամ համակարգիչն անհասանելի են դարձել ձեզ համար

Ըստ փորձագետների, արժե մտահոգվել, եթե նախկինում գիտեիք նրա համակարգչի կամ հեռախոսի գաղտնաբառը, բայց հանկարծ այն փոխվել է, և ձեր ամուսինը/ընկերը չի շտապում նորն ասել ձեզ: Դա, իհարկե, վիրավորական է, բայց, եթե ձեր հարաբերություններում այլ բան չի փոխվել, ապա սա մտածելու առիթ է:

Եթե տղամարդը ձեզ գաղտնաբառ չի տալիս, դա նշանակում է, որ սա այլևս ձեզ հետ ընդհանուր տարածք չէ, այնտեղ կա մի բան, որը ձեզ այլևս չի վերաբերվում։

Եւս մեկ հեռախոսի հայտնվելը

Հաճախ է պատահում, որ տղամարդը հասանելի է թողնում կնոջ կամ ընկերուհու մուտքն առաջին հեռախոսին, սակայն զուգահեռ սկսում է օգտագործել երկրորդը։

Պատճառը կարող է լինել աշխատանքային անհրաժեշտությունը։ Բայց եթե նախկինում այն չկար, իսկ հիմա ի հայտ է եկել, դուք ակնհայտորեն ինչ-որ բան չգիտեք ձեր ամուսնու կյանքի մասին։

Հաճախակի երեկոյան զանգեր կամ հաղորդագրություններ

Սմարթֆոնների օգտագործման հաճախականության աճը նույնպես հնարավոր դավաճանության անուղղակի նշաններից է։ Եթե նախկինում ձեր ամուսնու աշխատանքային գործընկերները չեն նկատվել, երեկոյան բարդ և հրատապ հարցերով չեն անհանգստացրել, իսկ այժմ դա հաճախակի է դարձել, ապա սա նույնպես անհանգստության տեղիք է տալիս: Չնայած, գուցե մարդն իսկապես մեծ ծանրաբեռնվածություն է ստացել աշխատանքում, և իմաստ չունի այդ փաստը շահարկել:

Սոցիալական ցանցերում հայտնվելը

Շատ տղամարդիկ սոցիալական ցանցերում էջեր չունեն։ Եթե հանկարծ տեսնեք, որ ձեր սիրելին հաշիվ է ստեղծել և իր ավատարի համար ընտրել լավագույն լուսանկարը, ապա դա նույնպես կարող է պատճառ հանդիսանալ նրան ավելի մոտիկից ուսումնասիրելու համար։ Հատկապես, եթե ամուսինը նախկինում դեմ էր և արհամարհանքով էր խոսում համացանցում ակտիվության մասին։

Օրավարձով բնակարանների կամ հյուրանոցների հասցեներով կայքեր

Եկեք անկեղծ լինենք, մենք բոլորս գիտենք, թե բրաուզերում ինչպես դիտարկել որոնման հարցումների պատմությունը: Այսպիսով, եթե համակարգչի այցելությունների պատմությունը պարունակում է այդպիսի հասցեներ, բայց ամուսինը երբեք ձեզ այնտեղ ժամադրության չի հրավիրել, ապա, միգուցե, նա ուրիշի հե՞տ է ժամանակ անցկացնում:

Հեռախոսի զանգերի և հաղորդագրությունների ցանկի ջնջում

Ամուսնու հեռախոսին հասանելիությունը կարող է մնալ, բայց տղամարդը պարբերաբար «մաքրում է» իր զանգերի և հաղորդագրությունների պատմությունը: Պատճառը կարող է լինել սարքի անբավարար հիշողությունը: Այս տարբերակով սովորաբար ջնջում են, երբ հեռախոսն ինքն է ազդանշան տալիս, որ ազատ տեղ չկա, բայց ոչ՝ ամեն օր։

Թաքնված հաղորդագրություններ, լուսանկարներ և զրույցների արխիվացում ակնթարթային մեսենջերներում

Նամակագրությունը թաքցնելու համար դավաճանները հաճախ օգտագործում են չաթի արխիվները։ Խաբեությունն այն է, որ եթե չաթը արխիվացված է, երբ նոր հաղորդագրություն է գալիս, հեռախոսում ծանուցում չի հայտնվում։ Միևնույն ժամանակ, զրույցն ինքնին պահպանվում է:

Նույնը վերաբերում է թաքնված լուսանկարների թղթապանակներին: Նման թղթապանակից նկարները տեսանելի չեն ընդհանուր պատկերասրահում:

Պոռնոգրաֆիկ կայքեր

Եթե նման հասցեներ եք գտնում զուգընկերոջ որոնման տողում, չպետք է հապճեպ եզրակացություններ անել։ Պոռնոգրաֆիան տղամարդու համար կարող է խթան հանդիսանալ, կրքոտ գաղափարների որոնման համար լինել։ Բայց եթե ձեր ննջասենյակում ոչ մի նոր բան չհայտնվի, դա առիթ է պատասխանելու հարցին՝ ի՞նչ է պակասում ձեր ամուսնուն, և սկսել ուշադիր հետևել նրա պահվածքին։

Փորձագիտական կարծիք

Փորձագետները կարծում են, որ դավաճանությունը գրեթե անխուսափելի իրավիճակ է, որին կարող է բախվել ցանկացած ընտանիք։

Եթե հարաբերություններում խնդիրներ կան, դավաճանելու վտանգը մեծանում է, և դրանք կարող են տարբեր կետպ արտահայտվել։ Սկսած նոր զուգընկեր գտնելուց, որի հետ կարելի է գոհացուցիչ հարաբերություններ կառուցել, վերջացրած ամուսնությունը փրկելով, որքան էլ պարադոքսալ է հնչում:

Շատ հաճախ եռանկյունու իրավիճակը, երբ ամուսնը կամ կինը զուգահեռ հարաբերություններ ունի, պահպանում է հենց ամուսնությունը: Սիրեկանը կամ սիրուհին հոգեբանորեն իր վրա է վերցնում այն գործառույթները, որոնք չեն կատարվում ընտանեկան հարաբերություններում և դրանով իսկ պահպանում ընտանիքը: Որպես կանոն, նրանք իրենք էլ դա չեն գիտակցում և սպասում են, որ կկառուցեն իրենց ընտանիքը։

Կանանց շրջանում հաճախ է հնչում այն առասպելը, որ տղամարդիկ միշտ դավաճանում են, քանի որ իրենց բնույթով բազմասեր են, սակայն փորձագետները կտրականապես համաձայն չեն դրա հետ։ Շատ կարևոր դեր են խաղում բարոյական հատկանիշները։ Կան տղամարդիկ, ովքեր դավաճանությունը մեղք չեն համարում և դա ընկալում են որպես նորմ։ Կան այնպիսիները, ովքեր մանկության տարիներին հոգեբանական տրավմա են ստացել՝ կապված հոր՝ ընտանիքը լքելու կամ մորը դավաճանելու հետ: Միայն այս փորձի պատճառով նրանք չեն դավաճանի: Այդուհանդերձ, չի կարելի պնդել, թե կան ունիվերսալ լուծումներ։

Ամեն ինչ մեծապես կախված է դաստիարակությունից և սեքսուալության մակարդակից։ Ավելի հաճախ տղամարդկանց մոտ այդ կարիքն առավել բարձր է և ավելի ֆիզիոլոգիական՝ ի տարբերություն կանանց, ովքեր այստեղ ավելի շատ հույզեր և զգացմունքներ ունեն։ Բայց սա միշտ չէ, որ կանոն է։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ