Սերը հրաշալի է, քանի դեռ չի վերածվել կախվածության: Ցավոք սրտի, սիրային կախվածությունը նույնքան տարածված է, որքան, ասենք, ալկոհոլայինը:

«Ես չեմ կարող առանց նրա», «Այո, ես հիմա վատ եմ, բայց առանց նրա ավելի վատ կլինեմ». ծանոթ նախադասություններ են, չէ՞: Նման սահմանի հասած հարաբերությունները վտանգավոր են հոգեկան առողջության համար: Սիրած էակի հետ «սերտաճելու» մոլուցքը Ձեզ ի վերջո կզրկի սեփական հետաքրքրությունների շրջանակներում գործելու ունակությունից:

Կախվածություն այս կամ այն չափով կա բոլոր սիրային հարաբերություններում, «չափաքանակից» կախված՝ այն կարող է դառնալ կա՛մ դեղ, կա՛մ թույն: Համաձայնեք, որ մեծ է տարբերությունը «Ես նրա հետ այնքան լավ եմ զգում» զգացողության եւ «Ես առանց նրա չեմ կարող» անունով կախվածության միջեւ:

Կախվածության հիմնական նշաններն են՝

• պարտադրված ցանկությունը շարունակելու հարաբերությունները՝ չնայած նրան, որ շատ լավ հասկանում եք՝ ամեն բան վատ է, եւոչ մի փոփոխություն էլ չի լինի,
• չհիմնավորված խուճապը, երբ զուգընկերը «տեսանելիության դաշտից» դուրս է,
• «դավաճանության ախտանիշը». միայն այն մտքից, որ մի օր ստիպված կլինեք վերջ դնել այդ հարաբերություններին, սկսում եք ֆիզիկապես վատ զգալ. ցավեր են հայտնվում կրծքում, փորն ու ստամոքսն են ցավում:

Մի հասցրեք ինքներդ Ձեզ նման ծայրահեղ վիճակների:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ