Արթ-թերապիան հոգեբանության և արվեստի համադրությունն է։

Պատահական չէ, որ այն իր մեջ «թերապիա» բառն է պարունակում, չէ որ արվեստը հանգստացնում է, ցրում է հոգնեցնող մտքերից, թուլացնում և միևնույն ժամանակ հնարավորություն է տալիս կենտրոնանալու, հավաքելու ուժերը և բացահայտելու թաքնված ռեսուրսները։

Արթ-թերապիայի մեթոդի մասին առաջին անգամ հիշատակում է Ադրիան Հիլը 1938 թվականին՝ թոքախտով հիվանդների հետ առողջարանում իր աշխատանքը նկարագրելիս։

Այս մեթոդները կիրառվում էին ԱՄՆ-ում, Երկրորդ համաշխարհային պատերազմի տարիներին ֆաշիստական Գերմանիայի ճամբարներից բերված երեխաների հետ աշխատանքում։

Այսօր արթ-թերապիան լայնորեն օգտագործվում է հոգեթերապիայում՝ ներքին արգելանքները հանելու, հուզական վիճակը կարգավորելու և ուղեղի աշխատանքը բարելավելու համար։

Այսօր zNews-ը կպատմի, թե ինչպես է կարելի արթ-թերապիան կիրառել առօրյա կյանքում։

Արթ-թերապիայի մեթոդները․

1. Եթե հոգնել ես, ծաղիկներ նկարիր։

2. Եթե զայրույթով ես լցված, գծեր նկարիր։

3. Եթե հոգեպես լավ վիճակում չես, ծեփով զբաղվիր։

4. Եթե տխուր ես, թուղթը տարբեր գույներով ներկիր։

5. Եթե վախ ես զգում, մաքրամե հյուսիր։

6. Եթե վրդովված ես, թուղթը մանր-մանր պատռտիր։

7. Եթե անհանգստանում ես, օրիգամիի ֆիգուրներ պատրաստիր։

8. Եթե ուզում ես թուլանալ, հանգստանալ, նախշեր նկարիր։

9. Եթե ինչ-որ բան ես ուզում հիշել, լաբիրինթոսներ նկարիր։

10. Եթե հուսահատ ես, ճանապարհներ ու արահետներ նկարիր։

11. Եթե պետք է ինչ որ բան հասկանաս ու գլուխ հանես, մանդալա նկարիր։

12. Եթե պետք է ուժերդ վերականգնես, բնապատկերներ նկարիր։

13. Եթե պետք է համակարգես մտքերդ, քառակուսիներ նկարիր։

14. Եթե ուզում ես զգացմունքներդ հասկանալ, դիմանկարդ նկարիր։

15. Եթե ուզում խնդրի լուծումը գտնել, ալիքներ և օղակներ նկարիր։

16. Եթե փակուղու մեջ ես և ուզում ես առաջ շարժվել, պարույրներ նկարիր։

17. Եթե պետք է կենտրոնանալ նպատակի վրա, ցանցեր և թիրախներ նկարիր։

18. Եթե ինչ-որ բանից դժգոհ ես, ինչ-որ նկար արտանկարիր։

19. Եթե տխուր ես, ծիածան նկարիր։

20. Եթե պետք է ինչ-որ բան հիշես, գունավոր լաքաներ նկարիր։

Ուինսթոն Չերչիլն ասում էր․ «Գեղանկարչությունը մտքերը ցրելու կատարյալ միջոց է։ Ես ուրիշ ոչ մի բան չգիտեմ, որով ուղեղն ավելի տարվի, առանց հյուծելու մարմինը։ Որքան էլ որ մեծ լինեն անհանգստություններն ու տագնապներն ապագայի վերաբերյալ, հենց որ նկարը սկսում ես, դրանք արդեն տեղ չունեն մտքերում»։ Այդ պատճառով միշտ ձեր օրվա ռեժիմում արվեստի համար տեղ թողեք, որպեսզի պահպանեք ձեր հոգեբանական հավասարակշռությունը։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ