Արյունը ջրիկացնող լավագույն բնական միջոցները

Թանձր արյունը կարող է խիստ վտանգավոր լինել առողջության համար, քանի որ արյան հոսքի դանդաղելը հանգեցնում է ներքին օրգանների թթվածնային քաղցի և թրոմբների առաջացման:

Արյունը ջրիկացնելու համար շատերն ասպիրին են օգտագործում, սակայն քչերը գիտեն, որ այն կարող է նաև խիստ վնասակար լինել:

Դրա մասնիկները կարող են կպչեն ստամոքսի պատերին և դառնալ խոցերի առաջացման պատճառ:

Սա է պատճառը, որ մասնագետները հաճախ խորհուրդ են տալիս ասպիրինի փոխարեն օգտագործել արյունը ջրիկացնող բնական միջոցներ, օրինակ՝ ազնվամորու և սև հաղարջի տերևների եփուկ:

Սալիցիլաթթուն պարունակվում է նաև բազմաթիվ մրգերի ու բանջարեղենի մեջ, սակայն ոչ այնքան շատ, որ հնարավոր լինի այդ կերպ ազդել արյան մակարդելիության վրա:

Հարկ է հիշել, որ թանձր արյուն ունենալու դեպքում խորհուրդ է տրվում նվազեցնել վիտամին K-ով հարուստ մթերքի օգտագործումը, քանի որ այն նպաստում է արյան մակարդմանը: Այս վիտամինով հարուստ են սևապտուղ արոսենու պտուղները, ինչպես նաև սպանախն ու այլ կանաչեղենը:

Արյան ջրիկացմանն է նպաստում ձկան յուղը: Ընդ որում՝ այն նաև նպաստում է թրոմբների ու սկլերոտիկ գնդիկների ներծծմանը: Բժիշկները խորհուրդ են տալիս շաբաթական 3-4 անգամ յուղոտ ձուկ ուտել:

Նաև հարկավոր է սննդակարգում ներառել յոդով հարուստ մթերք, որը ջրիկացնում է արյունն ու բարձրացնում անոթների տոնուսը: Կարելի է սրճաղացով մանրացնել լամինարիան և օրական 1 անգամ ստացված փոշուց 1 թեյի գդալ ավելացնել սննդին աղի փոխարեն:

Արյան ջրիկացմանն է նպաստում նաև զարկերակային ճնշումը կարգավորող տաուրինով հարուստ մթերքը: Տաուրինով հարուստ են ձկներն ու ծովամթերքը: Բացի այդ, կարելի է օրական 1 ճ.գ. նուշ ու հունական ընկույզ ուտել:

Բացի այդ, արյան ջրիկացմանն են նպաստում սխտորը, դդումը, թուրինջը, կեռասը, բալը, կարմիր բուլղարական պղպեղն ու լոլիկը: Նաև արյունը ջրիկացնող հիանալի միջոց է կարմիր չոր գինին:

Չիլի պղպեղը պարունակում A և E վիտամիններ, կալիում ու ֆոլաթթում, որոնք արդյունավետ կերպով ջրիկացնում են արյունը և կանխում սրտանոթային հիվանդությունները:

Արյունը ջրիկացնելու և վիտամին C ստանալու հիանալի միջոց է օրական 120 մլ նարնջի հյութ խմելը: Սակայն հարկ է հիշել, որ այս հյութը հակացուցված է ստամոքսի խոցային հիվանդության և բարձր թթվայնությամբ գաստրիտի դեպքում:

Կան նաև ժողովրդական տարբեր բաղադրատոմսեր, որոնք կօգնեն պայքարել այդ խնդրի դեմ: Օրինակ՝ կարելի է 250 գրամ մաքրած սխտորին ավելացնել 300 գրամ մեղր, թրմել 3 շաբաթ և ընդունել օրական 3 անգամ՝ ուտելուց 40 րոպե առաջ մեկական ճաշի գդալ:

0.5 լիտր օղուն ավելացնել 100 գրամ աղացած մշկընկույզ, թրմել 21 օր (ամեն օր թափահարել), այնուհետև զտել և ընդունել օրական 3 անգամ՝ ուտելուց 30 րոպե առաջ (20-30 կաթիլ թուրմն ավելացնել ¼ բաժակ տաք ջրին): Երբ թուրմը վերջանա, 10 օր տևողությամբ դադար անել և կրկնել կուրսը: Ընդհանուր կուրսը հարկավոր է կրկնել 5 անգամ:

½ թ.գ. դառը օշինդրի ծաղիկները ծամել, այնուհետև խմել 1 բաժակ կեֆիր: Այս պրոցեդուրան պետք է կրկնել 1 շաբաթ՝ ամեն օր ժամը 21:00-ին: Կուրսն ավարտելուց հետո հարկավոր է 7-10 օր դադար անել, այնուհետև կրկնել կուրսը: Այս միջոցը նաև մաքրում է լյարդն ու վերականգնում իմունային համակարգը:

Արյան ջրիկացմանը նպաստում են նաև թթենու արմատները: Հարկավոր է 200 գրամ թարմ ամրատները լվանալ, մանրացնել, լցնել էմալապատ կաթսայի մեջ, ավելացնել 3 լիտր սառը ջուր և թողնել մեկ ժամ: Այնուհետև կաթսան դնել թույլ կրակին, եռացնել, եփել ևս 15 րոպե և վերցնել կրակից: Երբ եփուկը սառի, այն հարկավոր է քամել և պահել սառնարանում: Եփուկն անհրաժեշտ է ընդունել 5 օր (օրական 3 անգամ՝ ուտելուց առաջ 200-ական գրամ), այնուհետև 2-3 օր ընդմիջում անել և կրկնել կուրսը (2-3 կուրս):

Շատ արդյունավետ են նաև ցորենի ծլած հատիկները: Ամեն օր հարկավոր է առնվազն 1 ճ.գ. ծլած ցորեն ուտել: Ցանկալի է ցորենն ավելացնել բանջարեղենային աղցանին և հավելել նաև 1 թ.գ. կտավատի յուղ:

Կարելի է նաև ցորենի հատիկները մի քանի անգամ լավ լվանալ և թողնել 24 ժամ: Երբ թրջված ու ծանրացած հատիկներն իջնում են ջրի հատակը, ցորենով ոչ շատ խորը տարրայի մեջ եղած ջուրն ավելի հեշտ է լինում դատարկել: Մի քանի անգամ հատիկները լվանալուց հետո ջուրը հարկավոր է դատարկել ոչ ամբողջությամբ՝ թողնելով այնքան, որ այն լինի ցորենի վերին շերտին հավասար, սակայն չծածկի հատիկները: Այնուհետև հարկավոր է տարրան դնել որևէ տաք տեղ (ոչ շատ տաք) և ծածկել անձեռոցիկով:

Ցորենի ծիլերի օգնությամբ բուժվելու դեպքում հարկավոր է նվազեցնել հացի և հացաբուլկեղենի գործածությունը: Ծլած ցորենը կարելի է նաև 2-3 օր պահել սառնարանում, սակայն այն պետք է խոնավեցված և անձեռոցիկով ծածկված լինի:

Այս աղցանը պարբերաբար օգտագործելու դեպքում կարելի ոչ միայն ջրիկացնել արյունը, այլև բարելավել օրգանիզմը ընդհանուր վիճակը՝ այդ թվում նաև տեսողությունն ու արյան որակը:

Նաև հիանալի և շատ հասանելի արյունը ջրիկացնող միջոց է դարչնի, կոճապղպեղի և կանաչ թեյի թուրմը: Հարկավոր է կոճապղպեղի թարմ արմատին (մոտ 4 սմ), մի պտղունց դարչնին և 1 թ.գ. կանաչ թեյին ավելացնել կես լիտր եռման ջուր, թրմել, քամել, ավելացնել կես կիտրոնի հյութ և մեղր (ըստ ճաշակի): Ստացված համեղ ու օգտակար ըմպելիքը հարկավոր է խմել օրվա ընթացքում:

Նյութը հրապարակման պատրաստեց zNews

Տեղեկացրե՛ք Ձեր մտերիմներին

ՆՄԱՆԱՏԻՊ ՆՅՈՒԹԵՐ

Լավագույն բնական միջոցները փորափքանքից ազատվելու համար․ 4 բաղադրատոմս
Արդյունավետ ժողովրդական դեղամիջոց, որը կօգնի հեշտությամբ ազատվել հազից
Փորձագետները որոշել են, թե օրական որքան ջուր է պետք խմել
Ո՞րն է ամենավտանգավոր արյան խումբը
Բժիշկները պատմել են կոկոսի յուղի օգտակար հատկությունների մասին
«Հիմարին խորհուրդներ տալն անօգուտ է. դա միայն նրան զայրացնում է». Հնդկական իմաստուն արտահայտություններ

ԱՄԵՆԱԸՆԹԵՐՑՎԱԾ

Այս լուսանկարում կոպիտ սխալ կա, բայց ոչ ոք չի կարողանում այն նկատել
ԹԵՍՏ. Կգտնե՞ք արդյոք այս բառերի հայերեն տարբերակը
Գլուխկոտրուկ․ Քանի՞ ավանակ կարող եք հաշվել այս նկարում
ԹԵՍՏ. Կկարողանա՞ք գտնել այս բառերի հոմանիշը
Թեստ․ Գտի՛ր բառի նշանակությունը
Բազմագիտության թեստ․ Կկարողանա՞ք տալ թեկուզ 7 ճիշտ պատասխան
Թեստ հանելուկ․ Դե ասեք՝ ի՞նչն է…
Գտեք գայլին ոչխարների հոտի մեջ, քանի դեռ գիշատիչը չի հասցրել համտեսել նրանց
Ոչ ակնհայտ ախտանշաններ, որոնք հուշում են լյարդի ցիռոզի մասին

ԲԱՑ ՄԻ ԹՈՂԵՔ

Լավագույն բնական միջոցները փորափքանքից ազատվելու համար․ 4 բաղադրատոմս
Իսկ դուք կկարողանա՞ք գտնել 9 թիվը, ես հազիվ գտա․․․
Արդյունավետ ժողովրդական դեղամիջոց, որը կօգնի հեշտությամբ ազատվել հազից
Թեստ․ Գտի՛ր բառի նշանակությունը
Փորձագետները որոշել են, թե օրական որքան ջուր է պետք խմել
Ո՞րն է ամենավտանգավոր արյան խումբը
Ֆուչիկի փողոցի «ճակատամարտը». բացառիկ կադրեր (Video)
Բժիշկները պատմել են կոկոսի յուղի օգտակար հատկությունների մասին
Ահա թե ով է ձեռք բերել «00 DD 000» համարանիշը (Photo)