Դիլան Սիգելը և Ջոնահ Պուրնազարյանը շատ մտերիմ ընկերներ էին: Նրանք իսկական հարազատ հոգիներ են և շատ ժամանակ են անցկացնում միասին:

Սակայն նրանց ընկերությունը մթագնում է մեկ տխուր փաստի պատճառով. Ջոնահը լուրջ հիվանդ է:

Տղան տառապում է հազվագյուտ բնածին հիվանդությամբ՝ Գիրկեի հիվանդությամբ:

Այդ հիվանդությունն արտահայտվում է այն ֆերմենտների անբավարարությամբ, որոնք բաժանում են գլիկոգենը: Արդյունքում՝ պոլիսախարիդը կուտակվում է լյարդում և երիկամներում, որն էլ կարող է հանգեցնել մահվան:

Ցավոք, այս հիվանդության արդյունավետ բուժում մինչ օրս չկա: Ծնողները ստիպված են մշտապես հետևել իրենց տղայի արյան մեջ գլյուկոզայի մակարդակին: Եվ ամեն մի քանի ժամը մեկ, այդ թվում նաև գիշերները, պետք է զոնդի օգնությամբ նրան հատուկ միջոցներով ներարկումներ անեն:

6 տարեկանում Դիլանն իմացավ, որ Ջոնահը ծանր հիվանդ է: Այդ նորությունը, մինչև հոգու խորքը հուզեց տղային և նա որոշեց, որ ինչ էլ որ լինի, պետք է օգնի իր ընկերոջը: Դիլանի գլխում մի փայլուն միտք ծագեց: Նա որոշեց իր և Ջոնահի ընկերության մասին գիրք գրել, և դրա վաճառքից ստացած ողջ հասույթը տալ Պուրնազարյանների ընտանիքին:

Մի քանի ժամվա ընթացքում Դիլանը մի փոքրիկ պատմվածք գրեց, որը պատկերազարդեց իր արած նկարներով: Գրքի էջերում, մանկական անմիջականությամբ, նկարագրված է Դիլանի և Ջոնահի ընկերությունը: Փոքրիկ հեղինակն իր գիրքն անվանել է «Շոկոլադ»: Այս բառի միջոցով Դիլանը սովոր է արտահայտել իր հիացմունքը՝ փոխարնելով «հիասքանչ է» կամ «ապշեցնող է» բառերին:

Սկզբում տղայի ծնողները հրատարակեցին «Շոկոլադ»-ը երկու հազար օրնակով: Նրանք որոշել էին գիրքը վաճառել 20 դոլարով, հրեական տոնին նվիրված տոնավաճառի ժամանակ:

Ի զարմանս բոլորի, Դիլանի գիրքը մեծ հեղինակություն և պահանջարկ ունեցավ: Արդեն երկու ամիս անց փոքրիկ հեղինակին հաջողվեց հավաքել 25 000 դոլար: Գրքի մասին իմացել էին խոշոր գրախանութները, որոնք նույնպես որոշել էին մասնակցել բարեգործությանը: Նրանք իրենց վրա վերցրեցին գրքի նոր հրատարակման բոլոր ծախսերը և գրքի տարածելը:

Երեք տարվա ընթացքում «Շոկոլադ»-ին հաջողվեց մեկ միլիոն դոլար շահույթ բերել: Այդ բոլորը տրվեց Պուրնազարյանների ընտանիքին: Իսկ նրանք էլ իրենց հերթին բարեգործական ֆոնդ հիմնեցին, որը ֆինանսավորում է Գիրկեի հիվանդության դեմ արդյունավետ դեղամիջոց ստեղծելուն:

Բժիշկ Դևիդ Վայնշտեյնը, ով ուսումնասիրում է Գիրկեի հիվանդությունը, չի թաքցնում իր հիացմունքը. «Սա ուղղակի անհավանական է: Փոքրիկ Դիլանի շնորհիվ հաջողվեց առաջին անգամ մարդկության ուշադրությանն արժանացնել այս հիվանդությունը, տղան կարողացավ անել այն, ինչը դեռ չէր հաջողվել ոչ մի մեծահասակի»:

Ահա, թե ինչպես մեկ փոքրիկ տղայի ջանքերը հույս նվիրեցին հազարավոր մարդկանց, ովքեր տառապում են Գիրկեի հիվանդությամբ:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ