Որոշ վտանգավոր հիվանդություններ երկար ժամանակ առանց ախտանշանների են զարգանում, իսկ երբ, ի վերջո, իրենց մասին զգացնել են տալիս, դրանք բուժելն արդեն դժվարանում է կամ նույնիսկ անհնար լինում:
Այս հիվանդությունները հնարավոր է ժամանակին հայտնաբերել միայն կանխագելիչ հետազոտությունների ժամանակ:
Դիաբետ
Դիաբետով մարդկանցից շատերը մի քանի տարի շարունակ անգամ չեն կռահում, որ հիվանդ են, քանի որ նրանց մոտ ոչ մի ախտանշան չի դրսեւորվում: Դիաբետի ախտանշաններից են համարվում բերանի չորությունը, ոչ հստակ տեսողությունը, միզարձակման հաճախացումը, սակայն ամենեւին ոչ բոլոր պացիենտներն են բախվում այս ախտանշաններին կամ դրանց վրա ուշադրություն դարձնում: Անկախ այն հանգամանքից ձեզ մոտ առկա է թվարկված ախտանշաններից որեւէ մեկը, թե ոչ՝ արյան մեջ գլյուկոզայի մակարդակի ստուգման անալիզ հանձնեք:
Թոքերի քաղցկեղ
Թոքերի քաղցկեղը քաղցկեղի ամենամահաբեր տեսակներից մեկն է, եւ այն գործնականում ոչ մի կերպ չի դրսեւորվում մինչեւ մետաստազների առաջացումը: Այս հիվանդության ուշ ախտանշաններն են՝ ցավ կրծքում, հազ, խզզոցներ եւ շնչառության անբավարարություն: Մինչեւ այս ախտանշանների ի հայտ գալը հիվանդությունը կարելի է հայտնաբերել ռենտգենի կամ ՀՏ-ի միջոցով:
Հիպերտոնիա
Անհրաժեշտ է ժամանակ առ ժամանակ զարկերակային ճնշումը չափել նույնիսկ լավ ինքնազգացողության դեպքում. ոչ միշտ է հիպերտոնիան իրեն զգացնել տալիս գլխացավերով կամ այլ ախտանշաններով: Հանդարտ եւ աննկատելի հիպերտոնիան կվնասի ձեր առողջությունը՝ երիկամները եւ սիրտ-անոթային համակարգը:
Գլաուկոմա
Գլաուկոման վտանգավոր հիվանդություն է, որը կարող է կուրության բերել, իսկ քանի որ այն անչափ դանդաղ է զարգանում, մարդու համար հաճախ աննկատ է մնում: Ձեզ մոտ գլաուկոմայի զարգացման հավանականության բարձր լինելը կարելի է հասկանալ միայն կանխարգելիչ զննման շրջանակում բժկին այցելելով: Այսպիսի զննումները հատկապես կարեւոր են 45-ն անց մարդկանց համար:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
