Այս վարժությունները կօգնեն ձեզ ազատվել կախված որովայնից և կոնքի ավելորդ ճարպերից: Շատ հաճախ այդպիսի խնդիրները մարսողության խանգարման վառ նշաններ են:

Եթե դրանից ազատվեք, ձեր որովայնը հարթ կլինի, իսկ ինքնազգացողությունը հիանալի կլինի: Այս վեց վարժությունները շատ ժամանակ չեն պահանջում:

Դուք ոչ միայն ձեր արտաքինը կբարելավեք, այլ նաև կպաշտպանեք ձեր մարսողական համակարգը՝ տոնական ծանրաբեռնվածությունից:

Վարժություններ՝ նիհարելու ու մարսողությունը լավացնելու համար

1 Ծնկները դեպի կրծքավանդակը

Մեջքի վրա պառկեք գետնին: Խորը շունչ քաշեք և ծնկները մոտեցրեք կրծքավանդակին՝ ձեռքերով բռնելով դրանք: Մի փոքր բարձրացրեք նստատեղը, և այդպես մնացեք մեկ րոպե: Հետևեք, որ ձեր շնչառությունը կայուն, հավասարաչափ լինի:

2 Թեքումներ

Նստեք հատակին՝ ուղիղ, առաջ ձգված ոտքերով: Ծալեք աջ ծունկը, թեքվեք, և ֆիքսեք այն ձախ ձեռքով: Դանդաղ պտտվեք աջ կողմ, որքան որ հնարավոր է, մնացեք այդ դիրքում 30 վայրկյան: Նույնը կրկնեք նաև ձախ ծնկով:

3 Կքանստում

Ուղիղ կանգնեք, ոտքերը դրեք ուսերի լայնությանը հավասար: Բարձրացրեք ձեռքերը վերև և ուղիղ պահեք՝ գլխի վերևում: Սահուն նստեք օդի մեջ, կարծես պատրաստվում եք աթոռին նստել: Մնացեք այդ դիրքում մեկ րոպե, դանդաղ շնչեք, հետևեք, որ ուսերն ուղիղ լինեն:

4 Հարձակուրդ կատարել (ինչպես լուսանկարում է)

Մեծ քայլ արեք դեպի առաջ աջ ոտքով, ձախը որքան հնարավոր է ուղիղ պահեք: Միացրեք ձեռքերը մեջքի հետևում և ուղղեք՝ մեջքը մի թեթև հետ տանելով: Մի փոքր մնացեք այդ դիրքում և կրկնեք վարժությունը մյուս ոտքով: Վարժությունը պետք է կրկնել ամեն ոտքից հինգ անգամ: Մի շտապեք, խորը շնչեք, փորձեք պահել հավասարակշռությունը, և ամեն ինչ կստացվի:

5 Կամուրջ

Պառկեք մեջքի վրա, ծալեք ծնկները և ոտնաթաթերով ամուր հպվեք հատակին: Բարձրացրեք ազդրերը, ձեռքերն ուղիղ ձգած դրեք հատակին և դաստակներն իրար միացրեք: Մնացեք այդ դիրքում մեկ րոպե, չմոռանալով խորը շունչ քաշել, ողջ կրծքավանդակով:

6 Ոտքերը դեպի վեր

Պառկեք հատակին, ոտքերը վերև բարձրացրեք: Ուղիղ պահեք ոտքերը՝ հենվելով մեջքի և ձեռքերի վրա. Ձեռքերի ափերը դեպի ներքև: Մնացեք այս դիրքում մեկ րոպե, հետևեք ձեր շնչառությանը:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ