Վահանագեղձը մարդու պարանոցի առջևի հատվածում գտնվող և թիթեռի ձև ունեցող փոքրիկ օրգան է, որը մասնակցում է օրգանիզմում ընթացող բազմաթիվ կարևոր գործընթացներին։
Սա մարդու կարևորագույն օրգաններից է, որի աշխատանքի խանգարումը կարող է խիստ բացասաբար անդրադառնալ ընդհանուր առողջական վիճակի վրա, և հենց սա է պատճառը, որ հարկավոր է ժամանակին դիմել մասնագետին ու չանտեսել խնդրի մասին հուշող ախտանշանները։
Ներզատաբան Օքսանա Գիզինգերը «Известия»-ի հետ զրույցում ներկայացրել է վահանագեղձի աշխատանքի խանգարման մասին հուշող հիմնական ախտանշանները, որոնք ժամանակին նկատելը թույլ կտա խուսափել հետագա բարդացումներից։ Մասնագետի խոսքով՝ նման խանգարումների ախտանշան կարող են լինել տրամադրության կտրուկ տատանումները, քաշի կորուստը կամ քաշի ավելացումը, դողը կամ առատ քրտնարտադրությունը, մաշկի չորությունն ու մազերի կորուստը, իսկ կանանց դեպքում նաև դաշտանային ցիկլի խանգարումը։ Միևնույն ժամանակ գոյություն ունեն ախտանշանները, որոնց շատերը հաճախ անգամ ուշադրություն չեն դարձնում։
«Հաճախ այնպիսի ոչ ստանդարտ ախտանշանները, ինչպիսին են մաշկի չորությունն ու մազաթափությունը, վերագրվում են տարիքային փոփոխությունները։ Բացի այդ, հիպոթիրեոզը հաճախ դրսևորվում է նաև դեպրեսիվ վիճակներով ու սրտանոթային համակարգի աշխատանքի խանգարումներով», – նշել է մասնագետը։
Ինչպես շեշտել է բժիշկը, աուտուիմունային հիվանդությունները հատկապես վտանգավոր են հղիության ընթացքում, ուստի հորմոնալ ֆոնը հարկավոր է կարգի բերել դեռ հղիության պլանավորման ընթացքում ու պահպանել դրանց բալանսը ծննդաբերությունից հետո։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
