Armlady.am-ն այս անգամ անդրադարձել է Աղաս Մանուկյանի կնոջը։

Դերասան Աղաս Մանուկյանը շատ կարճ ժամանակահատվածում հայտնի դարձավ հայ հանությանն ու շատ սիրվեց հատկապես իր բարբառի համար։

Աղասը Լոռու մարզից է և շատ հաճախ է խաղարկում այդ բարբառը։

Աղասն ամուսնացած է։ Նրա կինը Տաթևիկ Մելիքյանն է։

Նրանք արդեն միասին են 9 տարի։ Զույգն ունի 2 զավակ:

Աղասն իր հարցազրույցներում մշտապես խոսում է կնոջ մասին՝ ընդգծելով ու նրա դերն իր մասնագիտական հաջողությունների և, առհասարակ, կյանքի վրա։

«Կինս իմ լավագույն ընկերն է, որովհետև կյանքի ամնաանհաղթահարելի դրվագներում միակ մարդը, որը կանգնած էր կողքիս, նա է եղել»,- մի առիթով ասել է դերասանը։

Դերասանը վստահ է՝ իր հաջողության գործում մեծ է նաև Տաթևիկի դերը․

«Ես մեկ ա էն կարծիքին եմ, որ յուրաքանչյուր տղամարդու հաջողության ետևում կանգնած ա խելացի և ուժեղ կին»,- մի անգամ կնոջ հետ լուսանկարին կից գրել էր Աղասը։

Այս տարի լրացել է Տաթևիկի 32-ամյակը։

Դերասանն անսպասելի անակնկալ էր մատուցել կնոջը։

Նա փակել էր Տաթևիկի աչքերը և տարել համապատասխան վայրը, որտեղ արդեն սպասել են։

Դերասանի խոսքով՝ այդ ամենը շատ բարդ էր կազմակերպելը, այնպես անելը, որ կնոջ բարեկամներից որևէ մեկը չպատմեր նրան անակնկալի մասին։

Բացի դրանից՝ նրանց փոքրիկ դուստրը սկսել էր լաց լինել, երբ տեսել էր, որ Աղասը փակում է Տաթևիկի աչքերը։

Աղասն ընտանիքի հետ արդեն բնակվում է Երևանում։

Դերասանի խոսքով՝ ընտանիքի անդամները հետևում են իր ելույթներին:

«Իմ ընտանիքն ամեն րոպե սպասում է, երբ եմ տուն գնալու, որ բոլորի տրամադրությունը բարձրացնեմ։ Ինչքան էլ տխուր լինեն, երբ ես մտնում եմ տուն ու ասում՝«Ա, ընչի՞ հըմար եք տխուր», սկսում են ծիծաղել։

Դա արդեն ինձ դուր է գալիս, որովհետև ինքս փոքր տարիքից չեմ սիրել հոնքերը կիտելն ու վատ տրամադրություն ունենալը»,- մի առիթով անկեղծացել է Աղասը։

Աղբյուր՝ Armlady.am