Դերասանուհի Սաթենիկ Հազարյանն ինստագրամյան իր էջում որդու հետ լուսանկար է հրապարակել՝ շնորհավորելով նրա տարեդարձը։

«15 տարեկան իմ թև ու թիկունք, իմ մեծ սեր ու իմ ամեն ինչ: Խոսքերը շատ աղքատիկ են, որ նկարագրեմ իմ ողջ զգացածը քո հանդեպ: 15 տարի է, ինչ դու միայն քեզնով ինձ մեծ ուժ ու կյանք ես տալիս:

Շնորհավոր ծնունդդ, տղաս: Ուզում եմ, որ կյանքում լինես կարևորը լավ մարդ, իսկ իմ աղոթքները միշտ քեզ ուղեկից են լինելու, իմ Ալեն»:

Նշենք, որ Սաթենիկ Հազարյանը մենակ է մեծացրել իր 2 երեխաներին։ Դերասանուհին չի սիրում խոսել անձնական թեմաներից, սակայն մեկ անգամ պատմել է կյանքի դժվար փուլի մասին։

«Ամուսնացած էի, ունեի առաջնեկիս, երբ պարզվեց՝ ամուսինս ուրիշ կնոջով է տարվել: Այդ բարդ փուլում իմացա, որ սպասում եմ երկրորդ երեխայիս` չքնաղ Լյուսիին:

Ունեի երկու տարբերակ` չմայրանալ երկրոդ անգամ կամ զգալ մայրական բերկրանքը երկրորդ անգամ: Իհարկե, ես ընտրեցի երկրորդ տարբերակը:

Ամուսնուցս ստացա մինչեւ այսօր վերջին SMS-հաղորդագրությունը․ «Այլեւս քեզ մոտ չեմ վերադառնալու»: Երեւի կհարցնեք` ի՞նչ արեցի. ուշագնաց եղա: Մայրս, երբ կյանքից հեռացավ, ես դեռ 9 տարեկան էի. այնքան ցավ եմ ապրել եւ միշտ մտածում էի, որ կյանքում երեխաներս միայնակ չլինեն իմ կողմից, բայց պարզվեց՝ երեխայիս հայրը առ այսօր ցանկություն չունի տեսնելու լուսե Լյուսիին։

Ի՞նչ արեցի ես: Նկարահանվեցի ֆիլմերում, մասնակցություն ունեցա տարբեր հեռուստահաղորդումներին, գնացի մարզասրահ»,- պատմել է Սաթենիկը։

Նրա խոսքով՝ տարիներ անց որդին զանգահարել էր հորը, բայց պարզվել էր՝ նա ցանկություն չուներ զավակի հետ շփվելու։

«Տղաս զանգահարել էր հորը, 20 օր միասին անցկացնելու առաջարկություն արել: Պարզվեց` նախկին տղամարդս ֆինասական խնդիրներ ունի եւ մերժեց տղայիս»,- անկեղծացել է Սաթենիկը։

Աղբյուր՝ Armlady.am