Անեմիան բավական տարածված հիվանդություն է։
Դրա հետևանքով առաջանում են մի խումբ խնդիրներ։
Հիվանդության առկայության մասին կարող են վկայել այլ նշանները։
Գերհոգնածության կամ թուլության զգացում։ Եթե սովորականից շատ եք քնում, բայց արթնանում եք քիչ էներգայով, մկանային թուլության զգացմամբ, ինչը շարունակվում է արդեն երկար ժամանակ, հնարավոր է՝ օրգանիզմին ավելի շատ երկաթ է հարկավոր։
Գլխացավ, գլխապտույտ։ Պարբերական գլխացավը, գլխապտույտի զգացումը ևս կարող են վկայել խնդրի առկայության մասին։
Ընդհատվող շնչառություն։ Հիվանդության առկայության դեպքում նույնիսկ մի քանի աստիճան բարձրանալը կարող է անկանոն շնչառության հետևանք դառնալ։
Հաճախակի վարակներ։ Եթե հաճախ եք վարակվում, հնարավոր է՝ հեմոգլոբինի մակարդակը ցածր է, և հարկավոր է բարձրացնել երկաթի մակարդակը։
Սառը ձեռքեր և ոտքեր։ Արյան շրջանառության հետ կապված խնդիրները նախևառաջ ազդում են ձեռքերի ու ոտքերի վրա։ Եթե վերջույթները մշտապես սառն են, սառելու դեպքում մանուշակագույն են դառնում, մեծ է հավանականությունը, որ օրգանիզմը երկաթի կարիք ունի։
Թույլ, կոտրվող եղունգներ։ Եղունգների վիճակը ևս կարող է վկայել օրգանիզմում երկաթի անբավարար քանակի մասին։ Եթե դրանք չափազանց թույլ են, սկսեք ավելի շատ երկաթ օգտագործել։
Սրտխփոց։ Այս խնդիրը ևս կարող է կապված լինել անեմիայի հետ։ Եթե օրգանիզմին չի բավականացնում թթվածինը, սիրտը կարող է սովորականից արագ զարկել։
Անսովոր սննդային ցանկություններ։ Անեմիայի դեպքում կարող եք նաև անսովոր սննդային ցանկություններ նկատել։ Հիմնականում մեծանում է քաղցր ուտելու ցանկությունը. որոշ դեպքերում կարող է նաև կավիճ ուտելու ցանկություն առաջանալ։
Անհանգիստ ոտքերի համախտանիշ։ Եթե ոտքերում անհանգստություն, ջղաձգումներ եք զգում, հնարավոր է՝ հետազոտվելու կարիք կա։
Ցավ կրծքավանդակում։ Այս նշանը ոչ մի դեպքում չի կարելի արհամարհել։
Սննդակարգ ներառեք մթերք, որը շատ երկաթ է պարունակում, այդ թվում՝ միս, ձու, ձուկ, բանջարեղեն, կաթնամթերք։ Երկաթի անբավարար քանակը լրացնելու համար կարող եք նաև հավելումներ օգտագործել, սակայն միայն բժշկի նշանակմամբ։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
