Ձվարանների քաղցկեղը կանանց շրջանում քաղցկեղի ամենատարածված, սակայն «ամենալռակյաց» տեսակներից է, որը մեծ մասամբ հայտնաբերվում է չափազանց ուշ:
Սա է պատճառը, որ հարկավոր է պարբերաբար բուժզննում անցնել՝ հետագա խնդիրներից խուսափելու համար:
Մայո կլինիկայի մասնագետների խոսքով՝ զարգացման վաղ փուլերում քաղցկեղի այս տեսակը կարող է չդրսևորվել որևէ վառ ախտանշանով, իսկ ի հայտ գալու դեպքում էլ ախտանշանները հաճախ վերագրվում են այլ՝ ոչ այդքան վտանգավոր ախտաբանություններին, օրինակ՝ գրգռված աղիքի համախտանիշին, միզուղիների վարակներին և այլն։
Նման դեպքերում հիվանդության ինքնուրույն բուժմանն սպասելը լավագույն տարբերակը չէ, ուստի օրգանիզմում ցանկացած արտասովոր փոփոխության դեպքում հարկավոր է անպայման դիմել բժշկին ու բուժզննում անցնել։
Մասնագետները ներկայացրել են այս հիվանդության մասին հուշող այն ախտանշանները, որոնք մարդիկ հաճախ չեն նկատում կամ վերագրում են այլ հիվանդություններին։
Դրանց շարքին է դասվում փորափքանքը, որը մարդիկ սովորաբար կապում են որոշակի մթերքի գործածության կամ մարսողական խնդիրների հետ։
Վիճակագրական տվյալներով՝ այս ախտանշանին ուշադրություն չի դարձնում հիվանդների շուրջ 70 տոկոսը, մինչդեռ երբեմն այն նման է լինում հղիությա ժամանակ ի հայտ եկող զգացողություններին, իսկ հագուստն անգամ փոքր է լինում։
Բացի այդ, ձվարանների քաղցկեղի մասին կարող է հուշել նաև որովայնում կամ կոնքի հատվածում արտասովոր ճնշման զգացողությունը, ինչպես նաև մեջքի ցավերը, որոնք մարդիկ հազվադեպ են կապում այս հիվանդության հետ։
Սա է պատճառը, որ նման արտասովոր ախտանշանների առկայության դեպքում հարկավոր է անհապաղ բուժզննում անցնել հնարավոր լուրջ հետևանքները կանխելու համար։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
