Մաշկային ինչ խնդիրներով կարող է դրսևորվել շաքարային դիաբետը

Շաքարային դիաբետն ամենատարածված ու վտանգավոր ախտաբանություններից մեկն է, որը տարեկան ախտորոշվում է միլոննավոր մարդկանց մոտ։

Այս հիվանդությանը բնորոշ շաքարի բարձր մակարդակը խիստ բացասաբար է անդրադառնում երիկամների, լյարդի, գլխուղեղի և այլ օրգանների վրա՝ հանգեցնելով մի շարք լուրջ բարդությունների զարգացման, ուստի այն ժամանակին հայտնաբերելը շատ կարևոր է։

Երկրորդ տիպի շաքարային դիաբետը սովորաբար զարգանում է արյան մեջ շաքարի քրոնիկ բարձր մակարդակի ֆոնին, ինչն էլ իր հերթին պայմանավորված է լինում ենթաստամոքսային գեղձի կողմից ինսուլին հորմոնի արտադրության խանգարմամբ։ Ինսուլինն օգնում է արյան մեջ պարունակվող շաքարը վերափոխել էներգիայի, սակայն շաքարային դիաբետի դեպքում կամ օրգանիզմն այս հորմոնը բավարար քանակությամբ չի արտադրում, կամ կորցնում է զգայունությունը դրա նկատմամբ։

Շաքարային դիաբետի ախտորոշման համար կարող է բավական երկար ժամանակ պահանջվել, քանի որ հիվանդության ախտանշանները դանդաղ են զարգանում և զարգացման վաղ փուլերում չեն դիտարկվում որպես լուրջ խնդիր։ Այնուամենայնիվ այդ ախտանշաններն իմանալն ու դրանց առկայության դեպքում ժամանակին միջոցներ ձեռնարկելը կօգնի կանխել հնարավոր բարդությունները։

Նման ախտանշանների շարքին կարող են դասվել որոշակի մաշկային խնդիրները, որոնք ոչ մի դեպքում չի կարելի անուշադրության մատնել։ Մասնագետների խոսքով՝ այս հիվանդությունը հանգեցնում է օրգանիզմի իմունային պաշտպանության թուլացմանը, ինչի հետևանքով էլ մարդիկ հաճախ տարատեսակ մաշկային խնդիրների են բախվում։ Նման դեպքերում հիվանդի մոտ սովորաբար նկատվում է վնասվածքների, խոցերի ու քերծվածքների արտասովոր դանդաղ ապաքինում, ինչը շատերին է հայտնի։ Սակայն սա շաքարային դիաբետի միակ մաշկային դրսևորումը չէ, որին հարկավոր է ուշադրություն դարձնել։

Արյան մեջ շաքարի մակարդակի ախտաբանական բարձրացման մասին կարող է հուշել նաև դիաբետիկ դերմոպաթիան, որը դրսևորվում է մարմնի տարբեր հատվածներում անհասկանալի կապտուկների առաջացմամբ։

Բժիշկների խոսքով՝ դիաբետիկ դերմատոպաթիան բնորոշվում է շագանակագույն կամ կարմիր օվալաձև կապտուկանման ախտահարումներով, որոնց առաջացումը կապված է արյունատար անոթների վիճակի վրա գլյուկոզայի ունեցած բացասական ազդեցության հետ։

Բացի այդ, բավական տարածված ախտանշան կարող է լինել նաև հաճախակի բնույթ կրող մաշկային վարակները։ Երկար ժամանակ հիվանդության մասին չիմանալու և շաքարի մակարդակը վերահսկողության տակ չպահելու դեպքում մաշկային վարակները կարող են բավական վատ հետևանքների հանգեցնել։ Բանն այն է, որ ինֆեկցիոն գործընթացները կարող են զարգանալ չապաքինվող վնասվածքների հատվածում և ախտահարել հարակից հյուսվածքները։ Որոշ դեպքերում կարող է անգամ արյան վարակման վտանգ լինել, ուստի բուժման միակ տարբերակը կլինի անդամահատումը։

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

Սննդամթերքի տեսակներ, որոնցից հարկավոր է խուսափել զարկերակային գերճնշման դեպքում
Որոնք են վահանագեղձի ամենատարածված հիվանդություններն ու ինչ ախտանշաններով են դրանք դրսևորվում
Կանանց օրգազմի տեսակները
Ինչպես հղիանալ կարճ ժամանակահատվածում
10 տեսակ սուտ, որոնք համոզել են ձեզ
Որ դեպքերում են որովայնի ցավերը հուշում անհապաղ բժշկին դիմելու անհրաժեշտության մասին

ԱՄԵՆԱԸՆԹԵՐՑՎԱԾ

Անունների նշանակությունը. ի՞նչ նշանակություն ունի Ձեր անունը
Ավտովթարի հետևանքով մահացել է իմ ընկերը․ Հովհաննես Ազոյան (Photo)
Ի՞նչ կտրականապես չի կարելի անել սեքսի ժամանակ (Ցուցակ)
Ի՞նչ է տեղի ունենում մարմնի հետ, երբ սեքսով չեք զբաղվում
Գիտնականները պարզել են, թե ինչն է կանանց հասցնում գերագույն հաճույքի
ԹԵՍՏ․ Ո՞վ է ամենահարուստ կինը, 99% սխալ պատասխան է տալիս
Եթե այս ԹԵՍՏՈՒՄ կարողանաք հավաքել թեկուզ 7/10, ապա Ձեր գիտելիքներով կարող եք զարմացնել
Մենք այս նկարը տվել ենք տարբեր IQ ունեցող 50 մարդկանց. նրանցից միայն 7 կարողացան գտնել ՍԽԱԼԸ
Ահա թե ինչից է կախված կնոջ սեքսուալությունը

ԲԱՑ ՄԻ ԹՈՂԵՔ

Թեստ․ Լա՞վ եք հայերեն nւղղագրությnւնից, եկեք ստուգենք
Սննդամթերքի տեսակներ, որոնցից հարկավոր է խուսափել զարկերակային գերճնշման դեպքում
Ինչո՞ւ են կանայք լքում տղամարդկանց
Թեստ հանելnւկ՝ zNews-ի հետևորդների համար
Որոնք են վահանագեղձի ամենատարածված հիվանդություններն ու ինչ ախտանշաններով են դրանք դրսևորվում
Տրամաբանական թեստ՝ zNews-ի հետևորդների համար․ կկարողանա՞ք հաղթահարել
Կանանց օրգազմի տեսակները
Ինչպես հղիանալ կարճ ժամանակահատվածում
Թեստ․ Ճանաչո՞ւմ եք մեր սիրված երգիչներին