Գաստրոէնտերոլոգ Սերգեյ Վյալովը թվարկել է եղինջի օգտակար հատկությունները մարդու օրգանիզմի համար։

Ըստ մասնագետի՝ ուտելի մոլախոտին արժեք է տալիս K վիտամինը, 100 գրամ եղինջի մեջ կարող է լինել մինչև 500 միկրոգրամ այս նյութից։

«Վիտամին K-ն առողջության համար կարևոր տարր է, այն մասնակցում է արյան մակարդման գործընթացին, ինչպես նաև օգնում է ամրացնել ոսկորները, բացի դրանից, օգնում է աթերոսկլերոզի և շաքարախտի դեմ պայքարում»,- ըստ shantnews-ի՝ ասել է բժիշկը։

Վյալովը նաև նշել է, որ վիտամին K-ն կարող է նվազեցնել քաղցկեղի առաջացման հավանականությունը։

Սակայն փորձագետը զգուշացրել է դրա չափավոր օգտագործման անհրաժեշտության մասին։

Վիտամինի մեծ քանակությունը երբեմն հանգեցնում է թրոմբոցի և արյունահոսության:

Առաջարկվող դոզան օրական 50-ից 100 մկգ է:

Բացի դրանից, եղինջը հարուստ է երկաթով, կալցիումով և մագնեզիումով:

Եղինջի ապուրը կարող է օգնել բարելավել մարսողությունը, ամրացնել իմունային համակարգը և նվազեցնել բորբոքումները:

Եղինջը կարող է վերահսկել արյան մեջ խոլեստերինի մակարդակը, ինչը չափազանց կարևոր է սրտի և անոթային հիվանդությունների կանխարգելման համար:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ