Մարդու աղիների առողջությունը որոշիչ նշանակություն ունի նրա ամբողջ օրգանիզմի առողջության համար։
Աղեստամոքսային տրակտն օգնում է ոչ միայն ճիշտ յուրացնել ու օգտագործել օրգանիզմի կենսագործունեության համար անհրաժեշտ սննդարար նյութերը, այլև նպաստում է տարատեսակ վտանգավոր հիվանդությունների դեմ պայքարին, օրգանիզմից տոքսինների դուրսբերմանը և հոգեկան առողջության կայունության պահպանմանը, քանի որ այդ գործոնները կախված են աղիների միկրոֆլորայից։
Մասնագետների խոսքով՝ աղիների միկրոբիոմը՝ դրանում բակտերիաների, վիրուսների, սնկերի ու մակաբույծների կուտակումը պետք է բալանսավորված լինի, սակայն մարդկանց անառողջ կենսակերպը հաճախ է հանգեցնում այդ բալանսի խախտման, ինչն էլ իր բացասական հետևանքներն է ունենում ամբողջ օրգանիզմի համար։
Աղիների առողջության պահպանման համար մարդիկ հաճախ տարատեսակ հավելումներ են ընդունում, մինչդեռ մասնագետները վստահ են, որ ցանկալի արդյունքին կարելի է հասնել նաև ընդամենը մի քանի պարզ կանոնին հետևելու դեպքում։ Ձեր ուշադրությանն ենք ներկայացնում 5 խորհուրդ, որոնց հետևելը կօգնի պահպանել աղիների առողջությունը։
Օգտագործել մանրաթելերով հարուստ մթերք
Սննդային մանրաթելերը հիանալի սնդունդ են հանդիսանում աղիների օգտակար բակտերիաների համար, նպաստում են մարսողության բարելավմանն ու կանխում են փորկապության և աղեստամոքսային տրակտի հետ կապված այլ խնդիրների զարգացումը։ Մանրաթելերի հիանալի աղբյուր կարող է հանդիսանալ բուսական մթերքը, որն էլ հարկավոր է ներառել սննդակարգում։
Օգտագործել ֆերմենտավորված մթերք
Նման մթերքի գործածությունն օգնում է վերականգնել աղիներում օգտակար բակտերիաների բալանսը, ուստի դրանք սննդակարգում ներառելը շատ կարևոր է։ Ֆերմենտավորված մթերքի շարքին են դասվում թթու կաղամբը, կիմչին, կեֆիրը, թեյի սունկը և բնական յոգուրտը։
Օգտագործել պոլիֆենոլներով հարուստ մթերք
Պոլիֆենոլները բուսական միացություններ են, որոնք շատ կարևոր են առողջության համար։ Այս տարրերը նվազեցնում են բորբոքումների մակարդակն ու բարձրացնում են միկրոբիոմում օգտակար բակտերիաների քանակությունը։ Պոլիֆենոլային միացություններով հարուստ են մուգ շոկոլադը, կարմիր գինին, կանաչ թեյը, հապալասն ու նուշը։
Լինել ֆիզիկապես ակտիվ
Ֆիզիկական ակտիվությունը նպաստում է բուտիրատ կոչվող բակտերիաների թվի աճին, իսկ այս բակտերիաներն օգնում են վերականգնել աղիների լորձաթաղանթը, նվազեցնում են բորբոքումների մակարդակը և բարելավում են օրգանիզմի պաշտպանվածությունը աղիների բորբոքային հիվանդությունների, ինսուլինակայունության ու շաքարային դիաբետի դեմ։
Ընդունել պրոբիոտիկներ
Հետազոտությունները ցույց են տվել, որ պրոբիոտիկները բարելավում են աղիների միկրոբիոմը, ինչը հանգեցնում է օգտակար բակտերիաների թվի մեծացման, աղիների լորձաթաղանթի ամրապնդման և իմունային համակարգի գործառույթների բարելավման։ Պրոբիոտիկների լավագույն աղբյուրներն են բնական յոգուրտը, կաղամբի թթուն, մարինացված վարունգը (առանց քացախի), պանրի փափուկ տեսակներն ու կեֆիրը։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ