Մարդու մարմնի տարբեր հատվածներում կարող են նկատվել արյան հետքեր:

Ահա թե ինչի մասին են վկայում տարբեր տեղեր արյան հետքերի առկայությունը:

1. Մեզի մեջ

Մեզի մեջ արյան առկայությունը կարող է վկայել միզուղիներում կամ միզապարկում  վարակի մասին, հատկապես այն դեպքում, եթե միզարձակումը ուղեկցվում է այրոցով կամ առաջանում է մեզի պահելու կարողության հետ կապված խնդիրներ: Ախտանշանների թվում են նաև ջերմությունն ու գոտկատեղի ցավերը, որի դեպքում հնարավոր է նաև առկա լինի երիկամներում վարակ: Այդ դեպքում խորհուրդ է տրվում 48 ժամվա ընթացքում դիմել բժշկական օգնության, որի դեպքում կկատարվի համապատասխան ախտորոշում և կնշանակվի հակաբիոտիկներով բուժում:

2. Կղանքի մեջ

Հաճախակի մարդկանց մոտ կղանքի հետ զուգահեռ նկատվում է արյան որոշակի հետքեր, որոնք առաջանում են հիմնականում թութքի դեպքում, քանի որ այդ ընթացքում տեղի է ունենում հետանցքի մաշկի ճաքեր: Իսկ ահա կղանքի մեջ արյան կուտակումները շատ վտանգավոր են և նման դեպքում անհրաժեշտ է անմիջապես դիմել բժշկի, քանի որ դա խոսում է շատ վտանգավոր հիվանդությունների՝ այդ թվում նաև քաղցկեղի մասին:

3. Կրծքի կաթի մեջ

Հաճախակի կերակրման ընթացքում կանանց մոտ կարող են առաջանալ պտուկների մաշկի պատռվածքներ, դա հատկապես վերաբերվում է կրծքով կերակրելու 1-ին  մի քանի շաբաթներին:Սակայն դա չի նշանակում, որ այդ դեպքում անհրաժեշտ է դադարել կրծքով կերակրել երեխային: Կարող եք պարզապես պտուկների վրա քսել կտավատի յուղ: Այն կօգնի շատ արագ թուլացնել ցավն ու լավացնել վերքերը:

4. Փսխման մեջ

Փսխման ծանր դեպքերում կարող է կոկորդում  առաջանալ մանր մազանոթների  վնասում, որի հետևանքով կարող է նկատվել փսխման մեջ արյան բծեր, որի դեպքում կարիք չկա շատ անհանգստանալ: Եթե փսխման ժամանակ բերանի խոռոչով դուրս եկած զանգվածը «ներկված» է վառ կարմիր կամ իր կառուցվածքով  հիշեցնում է աղացած սուրճի, այդ դեպքում արդեն հարկավոր է անմիջապես դիմել բժշկի, քանի որ դա կարող է վկայել ստամոքսում կամ  կերակրափողում  կյանքի համար վտանգավոր արնահոսության առկայության մասին:

5.Քթի արտադրության մեջ

Մրսածությունը, չոր օդը կամ վնասվածքը  կարող են հանգեցնել քթի լորձաթաղանթի վնասման և որպես հետևանք՝ արնհոսության: Եթե արնահոսությունը ուժեղ է, ապա այդ դեպքում կախեք գլուխը առաջ ու փակեք քթանցքները  մատներով` բռնելով դրանք 15 րոպե կամ այնքան ժամանակ մինչև որ արնահոսությունը կանգ առնի:

Եթե քթից  առատ արնհոսությունը  նկատվում է  ամսեկան 2 անգամից շատ, ապա այդ դեպքում լավ կլինի ստուգվեք, քանի որ դա կարող է վկայել հազվադեպ հիվանդությունների, այդ թվում նաև լեյկոզի մասին:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ